धनुषा, २८ जेठ : धनुषामा एक २५ वर्षीय युवालाई मध्यराति एकान्त ठाउँमा बोलाएर गोली हानी हत्या गरिएको छ ।
धनुषाको सबैला नगरपालिका–७ लवटोलीका २५ वषीृय हारुन मण्डललाई अज्ञात समूहले गए राति एकान्तमा लगेर गोली प्रहार गरी हत्या गरेको हो ।
घटनाको प्रकृति हेर्दा राति कसैले घरबाट बोलाएर गोली प्रहार गरी युवकको हत्या गरेको जस्तो देखिएको इलाका प्रहरी कार्यालय सबैलाका प्रहरी निरीक्षक चन्द्रभुषण यादवले जानकारी दिएका छन् ।
उनको शव घरभन्दा करीब २ सयमिटर टाढा फेला परेको यादवले बताए । युवकको छातीमा गोली लागेको छ । युवकको कसले र किन हत्या गरेको हो भन्ने खुल्न सकेको छैन । घटनाका विषयमा अनुसन्धान शुरु गरिसकिएको प्रहरीले जनाएको छ ।
प्रतिक्रिया