धुलिखेल, २० फागुनः काभ्रेको मण्डनदेउपुर नगरपालिकाले नगरपालिकाको नाम र लोगो सहितको फेसबुक पेज विभिन्न ब्यक्तिले सञ्चालनमा ल्याएको भन्दै तत्काल बन्द गर्न आग्रह गरेको छ । प्रमुख प्रशासकीय अधिकृत प्रणराज न्यौपानेले एक सुचना निकालेर विभिन्न ब्यक्ति र संस्थाले नगरपालिकाको लोगो दुरुपयोग गरेको भन्दै तत्काल बन्द गर्न आग्रह गरेका हुन् ।
नगरपालिकासँग नाम जोडेर सञ्चालनमा ल्याइएका सामाजिक सञ्जालमा जथाभावी सामग्री राखे साइबर अपराध अन्तर्गत कारबाही गरिने समेत उल्लेख गरिएको छ । जिल्लामा मण्डनदेउपुर नगरपालिकाको नाममा धेरै सामाजिक सञ्जालको अकाउण्ट भेटिन्छ । नगरपालिकाको आधिकारिक अकाउण्ट पत्ता लगाउननै सामाजिक सञ्जाल प्रयोग कर्तालाई अप्ठ्यारो परेपछि पालिकाले यस्तो आग्रह गरेको हो ।
प्रतिक्रिया