Logo

तेमाल गाउँपालिकाको ३ वटा वडाले सकाए योजना सम्झौता



धुलिखेल १८, मंसिर: काभ्रेको तेमाल गाउँपालिकाका ३ वटा वडा कार्यालयले योजना सम्झौता सकाएका छन् । मंगलबार वडा नम्बर २ मा एक कार्यक्रमको आयोजना गरी भौतिक निर्माण तर्फका योजनाहरु सम्झौता गरिएको वडाध्यक्ष तिमाल सिं तामाङले जानकारी दिए । उनका अनुसार वडास्तरको १६ वटा योजानाहरु सम्झौता गरिएको हो ।

यसैबीच सोमबार वडा नम्बर १ को वडा कार्यालयले एकै दिन २४ वटा भौतिक निर्माण तर्फका योजना सम्झौता गरेको थियो । चालु आर्थिक वर्षका लागि वडा कार्यालयले भौतिक निर्माण तर्फका योजनाहरु सम्झौता गरेको वडाध्यक्ष मान बहादुर श्रेष्ठले जानकारी दिए । सम्झौता भएका योजनाहरुमा सडकदेखि वडा कार्यालयको भवन निर्माणसम्मका छन् । १० वटा सडक, २ वटा खानेपानी, ४ वटा मन्दिर लगायतका योजना सम्झौता भएको छ । चालु आर्थिक वर्ष २०७६/७७ का लागि वडाले २८ वटा योजना छनौट गरी बजेट विनियोजन गरेको थियो । सम्झौता भएको योजनाहरुमा १ लाख देखि ४० लाखसम्मका छन् । सम्झौता भएका योजनाको अवधि २०७६ चैत मसान्तसम्म तोकिएको छ । वडा नम्बर १ मा भौतिक निर्माणका बाहेक अन्य योजना भने सम्झौता भएका छैनन ।

वडाध्यक्ष श्रेष्ठले वडास्तरीय कृषि, पशु औषधी ब्यवस्थापन, महिला सीप विकास, दलित आयआर्जन र तामाङ साँस्कृतिक प्रवद्र्धन सम्बन्धी योजना सम्झौता नभएको बताए । यी कार्यक्रमको लागत अनुमान, प्रस्तावना र कोटेश्न तयार भएपछि क्रमशः सम्झौता हुदैँ जाने योजना शाखाका प्रमूख राज कुमार तामाङको भनाई छ । तामाङका अनुसार वडा नम्बर ३ र ४ मा आाइतबार योजना सम्झौता हुनेछ । बाँकी वडाहरुमा पनि वडा कार्यालयमै पुगेर योजना सम्झौता गरिने उपाध्यक्ष दुर्गामाया तामाङले बताइन् । ‘स्थानीयलाई पालिकासम्म जान नपरोस भनेर वडा कार्यालयमै हामी पुगेका हौ, उनले भनिन् ‘आफ्नै गाउँको योजना आफ्नै ठाउँमा सम्झौता गर्दा सजिलो पनि भयो, छिटो पनि ।’

त्यसैगरी वडा नम्बर ६ पनि यो जना सम्झौता सकिएको छ । ६ वटा योजना सम्झौता भएको छ । मंसिर १० गते वडा कार्यालयमै पुगेर योजना सम्झौता गरिएको हो । तेमाल गाउँपालिकामा ९ वटा वडा रहेका छन ।

तेमाल गाउँपालिकाले वडामै पुगेको योजना सम्झौता सुरु गरेको हो । योजना सम्झौताका लागि पालिकाबाट उपाध्यक्ष दुर्गामाया तामाङ, प्रमुख प्रशासकीय अधिकृत लक्ष्मण कुईकेल र योजना शाखाका प्रमूख राज कुमार तामाङ सहितको टोली वडा कार्यालयमै पुग्ने गरेको छ ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार