२०८१, ११ जेष्ठ शुक्रबार

सिन्धुली एमालेको नयाँ नेतृत्व र अबको गन्तब्य

सिन्धुली एमालेको नयाँ नेतृत्व र अबको गन्तब्य


नेकपा एमाले सिन्धुलीको आठौं जिल्ला अधिवेशनले युवा नेतृत्व चयन गरेको छ । दुई दिनसम्म चलेको सो अधिवेशनले नयाँ नेतृत्व चयन गरेसँगै एमालेमा देखिएका बिभिन्न स्वार्थ समूहको अन्त्य मात्रै गरेको छैन, ‘विभिन्न मनोविज्ञानबाट एकै ठाउँमा जुटेका नेताहरुलाई मिलेर एकतावद्ध ढंगले पार्टी सञ्चालन गर’ भन्ने म्याडेट पनि मतदाताहरुले दिएका छन् ।
इतिहासको भारी बोकेर अबको एमाले अगाडि बढ्न सक्तैन भन्ने कार्यकर्ताहरुले बुझेरनैं हुनु पर्छ, सबैलाई एकै ठाउँमा उभ्याएर एकतावद्ध र बलियो नेतृत्व छनोट गरिदिएका छन् ।
बिभिन्न स्वार्थ समूहमा बिभक्त भएकाहरु दुई प्यानल बनाएर चुनाबी मैदानमा उभिएका थिए । उद्घाटनपछि बोल्दै एमाले महासचिव शंकर पोखरेलले भनेका थिएः दुईटा प्यानललाई एकै ठाउँमा उभिने अबस्था सिर्जना गर्नुहोस्, अर्थात दुबै समूह मिसाएर सर्बसहमतिमा नेतृत्व चयन गर्नुहोस् । महासचिव पोखरेलले भनेजस्तै भयोः एउटा प्यानलबाट अध्यक्ष र एक उपसचिव एवम् अर्को प्यानलबाट उपाध्यक्ष, सचिव र एक उपसचिवसहितको पदाधिकारी निर्वाचित भए । एमालेका मतदाताले आन्तरिक रुपमा निकै किचलो ढंगले अगाडि बढेको पार्टीलाई एकतावद्ध तरिकाले अगाडि बढाउन नयाँ नेतृत्व, नयाँ एमाले भन्ने भाष्यलाई स्थापित गरिदिएका छन् । जुन कुरालाई एमालेको अहिलेको जिल्ला नेतृत्वले आत्मसात गरेर अगाडि बढ्न जरुरी छ ।
एमाले कार्यकर्ताले छानेको नयाँ नेतृत्व कम्युनिष्ट पार्टीको सिद्धान्त र विचार अनुसार चल्नुपर्छ । कम्युनिष्ट पार्टीको मार्ग निर्देशक सिद्धान्त माक्र्सवाद र लेनिनवाद देखाउने दाँत होइन । पार्टीको मार्गनिर्देशक सिद्धान्त माक्र्सवाद र लेनिनवाद हो भने त्यसलाई सिन्धुलीको परिस्थिति अनुसार लागु गर्नुपर्छ; लागु गर्न अघि बढ्नुपर्छ । तर, आफूलाई कम्युनिष्ट पार्टीका नेता कार्यकर्ता भन्नेहरू लामो समयदेखि पद र पैसामा भुले; भागबन्डामा लागेको विगतको अनुभवबाट अहिलेको नेतृत्व अगाडि बढ्न जरुरी छ । पार्टी नेतृत्व हत्याएपछि मात्रै राजकिय पद प्राप्त गर्न सकिन्छ भन्ने मनोदशाबाट ग्रसित भएको नेतृत्वले सिद्धान्त र विचारको जगबाट पार्टी र संगठनलाई अगाडि बढाउन जरुरी छ ।
कम्युनिष्ट पार्टीले सिद्धान्त र विचार छोड्नु वा भुल्नु भनेको सिद्धान्त र विचारप्रति घात गर्नु हो । सिन्धुली एमालेलाई कम्युनिष्ट केन्द्र बनाउन र आउँदो निर्वाचनमामा पार्टीलाई एक ढिक्का बनाएर एक समक्ष र राजनैतिक एवम् बैचारिक रुपमा प्रतिवद्ध, बिरोधी पार्टीका सबैखाले षडयन्त्रलाई परास्त गर्न तथा एमाले भएको कार्यकर्तालाई गर्व लाग्ने वातावरण सिर्जना गरेर अगाडि बढ्नु नयाँ नेतृत्वको दर्बिलो मार्ग देखिन्छ ।
एमाले सिन्धुलीका नेताहरूमा देखिएको व्यक्तिवादी प्रवृत्तिनैं पार्टी र संगठन निर्माणको बाधक हो । पार्टी निर्माण भन्दा स्वार्थ समूह निर्माण गरेर झुण्ड बनाउने र त्यही झण्डको वरीपरि बस्ने र आफ्ना कमी कमजोरीलाई सुधार गर्नुको साटो अरुको सत्तोसरापमा व्यस्त हुने विगतको कार्यशैलीलाई करेक्सन गर्न जरुरी छ । एमालेका नेता कार्यकर्तालाई यो वा त्यो नाममा बिभाजन होइन बलियो र एकतावद्धसहित नयाँ एमाले चाहिएको छ भन्ने कुराको हेक्का राख्न जरुरी देखिएको छ ।

प्रकाशित मिति : २०८१, ६ बैशाख बिहीबार  ९ : ३४ बजे

कोशी प्रदेशमा मुख्यमन्त्री कार्कीले पाए विश्वासको मत

काठमाडौं । कोशी प्रदेशका मुख्यमन्त्री हिक्मतकुमार कार्कीले प्रदेशसभाबाट सोमबार विश्वासको

आफ्ना छोराछोरीलाई सामुदायिक विद्यालयमा नपढाउने शिक्षकलाई कारबाही हुन्छ: नगरप्रमुख पोखरेल

सिन्धुली: कमलामाई नगरपालिकाका नगरप्रमुख उपेन्द्रकुमार पोखरेलले सरकारी तलवभत्ता खाएर आफ्ना

जंगलको डढेलो गाउँमा, ७० भन्दा धेरै घरगोठ जले

रुपन्देही: लुम्बिनी प्रदेशका पहाडी जिल्ला अर्घाखाँची, गुल्मी, पाल्पा, प्यूठानका वन

विराटनगरको रानीमा झडप: डिएसपीसहित ७ प्रहरी घाइते

विराटनगर: मोरङ प्रशासनले अर्को सूचना जारी नहुञ्जेल भेला, र्‍याली, सभा

काभ्रेमा अज्ञात समूहले काटिदियो बुद्धचित्तको बोट, तीन करोडमा लागेको थियो ठेक्का

काभ्रे । काभ्रेको रोशी–५ नागबेलीमा रहेको ठकुरानी तामाङको घरमा रहेको