पनौतीका किसानलाई भुटानको तोदे जातका अलैचीको बिरुवा बितरण
धुलिखेल २३ जेठ : काभ्रेको पनौती नगरपालिकाले किसानलाई अलैचीको बिरुवा बितरण गर्ने भएको छ । नगरका किसानले नर्सरीबाट उत्पादन गरेको बिरुवालाई ४० प्रतिशत साझेदारीमा किसानलाई वितरण गर्ने भएको हो ।
नगरपालिकाको कृषि तथा पशुपक्षी शाखा मार्फत आर्थिक वर्ष २०७६/ ७७ मा भुटानबाट तोदे जातको उच्च उत्पादन दिने रोग प्रतिरोधि क्षमता भएको अलैचीको बीउ उत्पादन गरी वितरण गर्ने तयारी गरेको नगरपालिकाका प्रमुख प्रशासकिय अधिकृत रामप्रसाद वाग्ले जानकारी दिनुभयो ।
नर्सरीबाट जिल्ला दररेट अनुसार १० का दरले खरिद गरेर लागत साझेदारी अनुसार किसानलाई प्रति गोट विरुवाको ४ रुपौया पर्ने नगरपालिकाले जनाएको छ ।
कम्तीमा १ रोपनी बराबर एक हजार गोटा बिरुवा रोप्नु पर्ने भएकोले आफुले रोप्न चाहेको अलौचीको बिरुवा नगरको कृषी शाखा वा वडा कार्यालयमा माग गर्न नगरपालिकाले किसनलाई आग्रह गरेको छ ।
