Logo

एमाले केन्द्रीय कमिटी महाधिवेशन आयोजक कमिटीमा रुपान्तरण



काठमाडौँ, ७ चैत्र । नेकपा (एमाले) ले केन्द्रीय कमिटीलाई १० औँ महाधिवेशन आयोजक कमिटीमा रुपान्तरण गरेको छ । प्रधानमन्त्री निवास बालुवाटारमा शनिबार बसेको केन्द्रीय कमिटी बैठकले २६४ सदस्यीय अहिलेको केन्द्रीय कमिटीलाई महाधिवेशन आयोजक कमिटीमा रुपान्तरित गर्ने निर्णय गरेको हो । एमाले १० औँ महाधिवेशन आगामी २०७८ मंसिर २ देखि ६ गतेसम्म सम्पन्न गर्ने निर्णय गरेको छ । एमालेको महाधिवेशनमा आयोजक कमिटीमा रुपान्तरण गरिनेछ ।

महाधिवेशन आयोजक कमिटीको अध्यक्षमा केपी ओली, महासचिवमा ईश्वर पोखरेल रहेका छन् । बैठकले पदाधिकारी र केन्द्रीय कमिटी सदस्यहरूको जिम्मेवारी तय गर्न विष्णु पौडेलको संयोजकत्वमा तीन सदस्यीय कार्यदल पनि गठन गरेको छ । जसमा शंकर पोखरेल र टोपबहादुर रायमाझी सदस्य रहेका छन् ।
यस्तै एमालेका जिल्ला समितिहरुलाई जिल्ला संगठनमा रुपान्तरण गर्न , समयमै अधिवेशन गर्न सातवटै प्रदेश कमिटीलाई सुम्पेको छ । यसअघिको बैठकले २०७८ असारसम्म पार्टी सदस्यता नवीकरण गर्ने निर्णय गरेको थियो ।

बैठकले संघीय तथा प्रदेश सभाका समानुपातिक सांसदहरूको बन्दसूचीमा रहेको नाम हटाउने राख्ने या हेरफेर गर्ने अधिकार पार्टी अध्यक्ष केपी ओलीलाई प्रत्यायोजन गरेको छ । अब प्रधानमन्त्री ओलीले समानुपातिक सांसद फेरबदलसमेत गर्न सक्नेछन् ।

पार्टीको केन्द्रीय सदस्य वा मातहत कमिटीको सदस्य थप्ने वा हटाउने अधिकार पनि ओलीलाई नै दिइएको छ । जसअनुसार केन्द्रीय सदस्य र मातहतका नेताहरुलाई बिदाइ, मनोनयन तथा कारबाही गर्ने अधिकार पनि अध्यक्ष ओलीमा निहित गरिएको छ ।

बैठकले सरकार टिकाइराख्न कसैसँग अनुचित सम्झौता नगर्ने पनि निर्णय गरेको छ । बैठकमा प्रधानमन्त्री ओलीले जनताको भावना र चाहाना विपरित कुनै काम र सम्झौता नगर्ने स्पष्ट पारेको एमाले प्रवक्ता प्रदीपकुमार ज्ञवालीले जानकारी दिएका छन् ।

एमालेको नेपाल–खनाल समूहले भने आज केन्द्रीय समितिको बैठक पनि वहिष्कार गरेको छ । संसदीय दलको बैठकमा सहभागी भएका नेता वामदेव गौतम पनि केन्द्रीय समिति बैठकमा भने सहभागी भएनन् । खनाल–नेपाल समूहलेफागुन १८ गतेको निर्णय खारेज हुनुपर्ने माग गर्दै अध्यक्ष ओलीले बोलाएका बैठक बहिष्कार गर्दै आएका छन् ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार