Logo

जसपासँग नजिकिँदै प्रधानमन्त्री ओली



काठमाडौं, २७ फागुन । प्रधानमन्त्री केपी ओली जनता समाजवादी पार्टी (जसपा)लाई रिजाएर सत्ता मजबुत बनाउने प्रयासमा लागेका छन् । नेकपा माओवादी केन्द्रले जुनसुकै बेला विश्वासको मत फिर्ता लिन सक्ने भएकाले प्रधानमन्त्री ओली जसरी पनि जसपालाई मनाउने प्रयासमा लागेका हुन् । प्रतिनिधि सभामा ३४ सिट रहेको जसपाले समर्थन जनाए सुविधाजनक बहुमत पुग्ने भएकाले प्रधानमन्त्री ओलीको पहिलो प्रयास जसपालाई मनाउनमै केन्द्रित भएको छ ।

जसपाका नेताहरुले सरकारलाई समर्थन जनाउनका लागि तीन बुँदे माग अघि सारेका छन् । प्रधानमन्त्री ओलीले बिहीबार गरेको छलफलमा जसपाका नेताहरुले सांसद रेशम चौधरीलगायत कैदीबन्दीको रिहाइ, मुद्दा फिर्ता र संविधान संशोधनको शर्त अघि सारेका छन् ।

पदाधिकारीको बैठक सकेर जसपाका अध्यक्ष महन्थ ठाकुर, उपेन्द्र यादव, वरिष्ठ नेता राजेन्द्र महतो, अशोक राईलगायतका नेता एमालेसँगको छलफलका लागि प्रधानमन्त्रीको सरकारी निवास बालुवाटार पुगेका थिए । छलफलमा ठोस सहमति नभए पनि तीन बुँदे सर्तप्रति प्रधानमन्त्री ओलीले आफू सकारात्मक रहेको भन्दै थप छलफल गरेर निष्कर्षमा पुग्ने आश्वासन दिएको बताइएको छ । बालुवाटार स्रोतका अनुसार प्रधानमन्त्री र राष्ट्रपतिबाहेक जुनसुकै पद दिनका लागि आफू तयार रहेको सन्देश प्रधानमन्त्री ओलीले अध्यक्ष ठाकुर र नेता महतोलाई दिइसकेका छन् ।

राजपाका अध्यक्ष महन्थ ठाकुर, वरिष्ठ नेता राजेन्द्र महतो प्रधानमन्त्री ओली नजिक छन् भने अर्का अध्यक्ष डा. बाबुराम भट्टराई, उपेन्द्र यादव र वरिष्ठ नेता अशोक राई ओली इतरसँग सहकार्य गर्नुपर्ने पक्षमा छन् । जसका कारण जसपा फुट्न सक्ने आँकलन पनि गरिएको छ । जसपालाई फुटाएरै भए पनि सरकारलाई सहयोग गर्ने आश्वासन ठाकुर र महतोले दिएको बालुवाटार स्रोतको दाबी छ । प्रधानमन्त्री ओलीले दल विभाजन अध्यादेश ल्याएपछि रातारात मिलेका यी दुई खेमासँग १७–१७ सांसद रहेका छन् ।

राजपाले सत्ता समीकरणको विषयमा संसदमा रहेका प्रमुख तीन दलसँग शीर्ष नेताले संयुक्त छलफल गर्ने निर्णय पनि गरेको । बिहीबार पार्टी कार्यालयमा बसेको शीर्ष नेताको बैठकले वर्तमान राजनीतिक संकट अन्त्यका लागि नेकपा–एमाले, नेपाली कांग्रेस, माओवादी केन्द्र लगायतका दलसँग पाँचै नेताले छलफल गर्ने निर्णय गरेको हो ।

जसपाले पछिल्लो राजनीतिक घटनाक्रमबारे छलफल गर्नको लागि चैत्र ५ गते पार्टीको कार्यकारिणी समितिको बैठक पनि बोलाएको छ ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार