काठमाडौँ, १७ फागुन । सरकारका प्रवक्ता एवं संचार तथा सूचना प्रविधि मन्त्री पार्वत गुरुङले प्रतिबन्धित नेकपा विप्लव समूहसँग सरकारले छिट्टै वार्ता गर्न लागेको बताएका छन् । सोमबार मन्त्रिपरिषद्को निर्णय सार्वजनिक गर्न आयोजित पत्रकार सम्मेलनमा प्रवक्ता गुरुङले विप्लवसँगको वार्ताको मिति चाँडै तय हुने जानकारी दिएका हुन् ।
प्रवक्ता गरुङले प्रधानमन्त्री केपी ओलीले राजीनामा नदिने पनि स्पष्ट पारेका छन् । फागुन ११ गते प्रतिनिधिसभा पुनःस्थापनाका क्रममा सर्वोच्चले दिएको आदेशले प्रधानमन्त्रीको राजीनामा दिनबाट रोकेको उनको तर्क छ । बहुमत प्राप्त प्रधानमन्त्रीले राज्य संचालन गर्नु संवैधानिक र नैतिकताको विषय भएको फैसला सर्बोच्च व्याख्या गरेको उल्लेख गर्दै राजीनामा दिनुको कुनै अर्थ नहुने बताए ।।
प्रतिक्रिया