२०८१, २ असार शनिबार

नेकपामा फर्किए प्रचण्ड र माधव नेपाललाई माफी दिन्छु : प्रधानमन्त्री ओली

नेकपामा फर्किए प्रचण्ड र माधव नेपाललाई माफी दिन्छु : प्रधानमन्त्री ओली


काठमाडौँ १९ पुस : प्रधानमन्त्री केपी शर्मा ओलीले देश र पार्टीबिरुद्ध गरिएका सवै गल्तीलाई माफी दिने घोषणासहित पार्टीमै फर्कन अध्यक्ष पुष्पकमल दाहाल, प्रचण्ड र बरिष्ठ नेता माधवकुमार नेपालसहित सवैलाई आह्वान गर्नुभएको छ । अनेरास्वबियूले काठमाडौंमा आज आयोजना गरेको बृहत कार्यकर्ता भेलामा बोल्दै नेकपाका अध्यक्षसमेत रहनुभएका प्रधानमन्त्री ओलीले यस्तो आह्वान गर्नुभएको हो ।

‘तपाईंहरुका सवै अपराध माफी दिन्छु, पार्टीमै फर्कनोस, तपाईंहरुका गल्ती, कमजोरी र बदमासीको वावजुद सय खत माफ, आउनोस पार्टीमा,’ प्रधानमन्त्री ओलीले भन्नुभयो, ‘देश बनाउने अभियानमा तपाईहरुको स्वार्थ त्यागेर आउनोस । देश बनाउने अठोट गरेर स्वार्थ, छटपटी छोडेर आउनोस, पार्टीमा तपाईहरुको स्थान यथावत राखिएको छ । तपाईहरु कुर्सी प्यारो लाग्ने मान्छे, ती कुर्सी यथावत छ । तपाईहरु आउनु भएन भने पनि यो अभियान अगाडि बढछ ।’

उहाँले कार्यकारी अधिकार र प्रवक्ता पदको दुरुपयोग गरेकोले ती दुई अधिकार मात्रै पार्टीले सच्याएको बाँकी सवैको स्थान यथावत रहेको बताउनु भयो । ‘कार्यकारी अधिकार दिएपछि बदमासी धेरै गर्नुभयो, त्यो मात्रै फिर्ता लिएको हो, अध्यक्ष पद यथावत राखिएको छ, बरिष्ठ नेताहरुको स्थान पनि यथावत छ, प्रवक्ताले धेरै दुर्गन्ध फैलाएकोले त्यो खोसिए पनि सचिवालय सदस्यको स्थान यथावत छ,’ प्रधानमन्त्री ओलीले भन्नुभयो ।

प्रधानमन्त्री ओलीले पार्टीको बैठकमा नआएर माइतिघर मण्डलातिर आफ्नै कुरा नक्कल गरेर गएको भन्दै ब्यंग्य पनि गर्नुभयो । ‘मैले पहिला संसदमा भनेको थिएँ, हामी यही छौं, नबिर्स, हामी फेरि फर्केर आउँछौं भनेको थिए, त्यस्को नक्कल गरेको, त्यो पनि हामी यहाँ छौं भनेर मण्डलामा बस्नुभएछ । मण्डलामा किन बस्नुहुन्छ, यत्रो पार्टी यहाँ छ, यँही आउनोस,’ प्रधानमन्त्री ओलीले भन्नुभयो । उहाँले पार्टीमा नफर्के प्रचण्ड र माधव नेपालहरुको अवस्था एक्लो हुनेबाहेक अन्य नरहेको बताउनु भयो ।

‘सच्चिएर आउनोस नत्र मरेकालाई उपियाँल छोडे जस्तो कार्यकर्ताले छोडनेछन । त्यसबेला हामी यहाँ छौं हैन, म यहाँ छु भनेर लेख्नुपर्नेर्छ । त्यसो किन गर्नुहुन्छ, पार्टीमै आउनोस, पार्टी उहाँ छ,’ प्रधानमन्त्री ओलीको भनाई थियो ।

प्रकाशित मिति : २०७७, १९ पुस आईतबार  ७ : १६ बजे

कोशी प्रदेशमा मुख्यमन्त्री कार्कीले पाए विश्वासको मत

काठमाडौं । कोशी प्रदेशका मुख्यमन्त्री हिक्मतकुमार कार्कीले प्रदेशसभाबाट सोमबार विश्वासको

आफ्ना छोराछोरीलाई सामुदायिक विद्यालयमा नपढाउने शिक्षकलाई कारबाही हुन्छ: नगरप्रमुख पोखरेल

सिन्धुली: कमलामाई नगरपालिकाका नगरप्रमुख उपेन्द्रकुमार पोखरेलले सरकारी तलवभत्ता खाएर आफ्ना

जंगलको डढेलो गाउँमा, ७० भन्दा धेरै घरगोठ जले

रुपन्देही: लुम्बिनी प्रदेशका पहाडी जिल्ला अर्घाखाँची, गुल्मी, पाल्पा, प्यूठानका वन

विराटनगरको रानीमा झडप: डिएसपीसहित ७ प्रहरी घाइते

विराटनगर: मोरङ प्रशासनले अर्को सूचना जारी नहुञ्जेल भेला, र्‍याली, सभा

काभ्रेमा अज्ञात समूहले काटिदियो बुद्धचित्तको बोट, तीन करोडमा लागेको थियो ठेक्का

काभ्रे । काभ्रेको रोशी–५ नागबेलीमा रहेको ठकुरानी तामाङको घरमा रहेको