२०८१, १५ जेष्ठ मंगलबार

ओली–प्रचण्डको अडान कायमै, नेकपा स्थायी कमिटी बैठक आज बस्दै

ओली–प्रचण्डको अडान कायमै, नेकपा स्थायी कमिटी बैठक आज बस्दै


काठमाडौं, ५ पुस भर्खरै जारी भएको संवैधानिक परिषदसम्बन्धी अध्यादेशले नेताहरुबीच थप विवाद बढाइरहेका बेला सत्तारुढ नेपाल कम्युनिष्ट पार्टी (नेकपा) को स्थायी कमिटी बैठक आज ९आइतबार० बस्दैछ ।

बैठकअघि शीर्ष नेताहरुले सहमति जुटाउने प्रयास भइरहेको भए पनि अहिलेसम्म कुनै उपलब्धी हात परेको छैन । पार्टी विवाद समाधानका लागि प्रधानमन्त्री एवम नेकपा अध्यक्ष केपी शर्मा ओलीले दौडधुप बढाए पनि सहमतिको कुनै संकेत मिल्ने सकेको छैन । बरु झन नेताहरुबीच दूरी बढ्दै गएको छ ।

प्रधानमन्त्री ओली हिजो दिनभरी सहमति जुटाउने प्रयासका लागि भेटघाट र परामर्शमा ब्यस्त भए । सहमतिका लागि ओलीले अर्का अध्यक्ष पुष्पकमल दाहाल ‘प्रचण्ड’, उपाध्यक्ष वामदेव गौतम, नेकपा स्थायी कमिटी सदस्य एवम गृहमन्त्री रामबहादुर थापा ‘बादल’ लगायत अन्य मन्त्रीहरुसँग भेटघाट गरेका थिए ।

प्रचण्ड निवास खुमलटारमै पुगेर ओलीले प्रस्ताव फिर्ता लिन आग्रह गरे पनि प्रचण्डले सो प्रस्ताव अस्वीकार गरेका थिए । प्रचण्ड निवास खुमलटारमा डेढ घण्टा बिताएका ओलीले प्रचण्डलाई आफूविरुद्धको प्रतिवेदन फिर्ता लिन आग्रह गरेका थिए ।

तर अध्यक्ष प्रचण्डले राजनीतिक प्रतिवेदन फिर्ता नहुने र पार्टी वैठकबाटै त्यसबारे निर्णय हुने बताएका थिए । यसअघिको स्थायी कमिटी वैठकमा सरकारले जारी गरेको संवैधानिक परिषदसम्बन्धी अध्यादेश फिर्ता लिने सहमति जनाएका ओली उक्त सहमति कार्यान्वयनको पक्षमा नदेखिएपछि प्रचण्ड र नेकपा वरिष्ठ नेता माधव नेपाल समूह थप ‘चिढिएको’ छ ।

प्रचण्डको प्रतिवेदनलाई ‘मृत्यु पत्र’ को संज्ञा दिंदै आएका ओली प्रतिवेदन फिर्ता नभए स्थायी कमिटी वैठकमा उपस्थित नहुने अडानमा छन् भने अर्का अध्यक्ष प्रचण्ड प्रतिवेदनबारे वैठकले नै निर्णय गर्ने अडानमा छन् ।

दुई अध्यक्ष आफ्नो अडानमा लचिलो नभएका कारण आजको बैठकमा विवाद समाधान हुने सम्भावना देखिएको छैन् । आजको वैठकमा प्रधानमन्त्री ओली सहभागी हुन्छन्–हुँदैनन् भन्नेबारे नै अन्योल रहेको छ । ओली नआएको खण्डमा बैठक कसरी अगाडि बढाउने भन्नेबारे प्रचण्ड–माधव नेपाल समूहले पनि ठोस मनस्थिति बनाइ नसकेको स्रोतले जानकारी दिएको छ ।

कात्तिक २८ गतेको सचिवालय बैठकमा अध्यक्ष प्रचण्डले ओलीमाथि गम्भीर आरोप लगाउँदै राजनीतिक प्रस्ताव पेस गरेका थिए भने मंसिर १३ को बैठकमा ओलीले फेरि प्रचण्डमाथि गम्भीर आरोपसहित प्रत्युत्तर दिएका थिए ।

अध्यक्षद्वयले एकअर्कालाई गम्भीर आरोप लगाउँदै प्रस्ताव पेस गरेपछि नेकपाभित्रको विवाद थप चर्केको छ । तर, दुवै अध्यक्षबीच संवाद र छलफलमार्फत पार्टीभित्रको विवाद समाधान गर्ने प्रयासहरु भइरहेको नेताहरुले बताउँदै छन् । नेकपाभित्रको विवाद निर्णायक मोडमा पुगेको छ ।

प्रकाशित मिति : २०७७, ५ पुस आईतबार  ९ : ०३ बजे

कोशी प्रदेशमा मुख्यमन्त्री कार्कीले पाए विश्वासको मत

काठमाडौं । कोशी प्रदेशका मुख्यमन्त्री हिक्मतकुमार कार्कीले प्रदेशसभाबाट सोमबार विश्वासको

आफ्ना छोराछोरीलाई सामुदायिक विद्यालयमा नपढाउने शिक्षकलाई कारबाही हुन्छ: नगरप्रमुख पोखरेल

सिन्धुली: कमलामाई नगरपालिकाका नगरप्रमुख उपेन्द्रकुमार पोखरेलले सरकारी तलवभत्ता खाएर आफ्ना

जंगलको डढेलो गाउँमा, ७० भन्दा धेरै घरगोठ जले

रुपन्देही: लुम्बिनी प्रदेशका पहाडी जिल्ला अर्घाखाँची, गुल्मी, पाल्पा, प्यूठानका वन

विराटनगरको रानीमा झडप: डिएसपीसहित ७ प्रहरी घाइते

विराटनगर: मोरङ प्रशासनले अर्को सूचना जारी नहुञ्जेल भेला, र्‍याली, सभा

काभ्रेमा अज्ञात समूहले काटिदियो बुद्धचित्तको बोट, तीन करोडमा लागेको थियो ठेक्का

काभ्रे । काभ्रेको रोशी–५ नागबेलीमा रहेको ठकुरानी तामाङको घरमा रहेको