Logo

पर्यटकको रोजाइमा शैलुङको धर्मद्वार



चरिकोट, दोलखा, मंसिर ३०गते  तीन हजार १४५ मिटरको उचाइमा अवस्थि शैलुङ दोलखाको प्रसिद्ध धार्मीक तथा पर्यटीय स्थलको रुपमा प्रख्यात छ ।

शैलुङ गाउँपालिकाको वडा नम्बर–८ मा अवस्थि यस क्षेत्र पुग्दा स्वर्गको अनुभूति त हुन्छनै यहाँको धर्मढोका अर्थात धर्मद्वार प्रवेश गरेपछि पुण्य मिल्ने जनविश्वास रहिआएको छ । शैलुङ थुम्कीको उत्तरतर्फ केही तल लस्करै रहेको तीनवटा ओडारहरु मध्येको धर्मद्वारमा प्रवेश गरि पुण्य कमाउनेहरु यहाँ प्रशस्तै आउने गरेको शैलुङ गाउँपालिका वडा नम्बर–८ कालापानीका स्थानीय लालबहादुर तामाङले बताउनुभयो । तेस्रो ओडारमा अवस्थि धर्मद्वार बाहेक पहिलो ओडारमा शैलुङ्गेश्वर महादेवको मन्दिर छ भने दोस्रो ओडारमा प्रत्येक १२ वर्षमा एउटा मात्रै गोदावरी फूल फूल्ने गर्दछ । धर्मढोका प्रवेश गर्नु अघि महादेवको दर्शन गरि गोदावरी फूल फुल्ने ओडारको दर्शन गर्नुपर्ने तामाङ बताउनुहुन्छ ।

कहिलेकाहिँ जतिसुकै मोटो मानिस पनि सहजै छिर्ने गरेको उल्लेख गर्दै ६७ वर्षीय तामाङले धर्मद्वारबाट छिरेपछि मनमा अलग प्रकारको आनन्द हुने गरेको बताउनुभयो । ओडार भित्र अवस्थि धर्मद्वारको लम्बाई करिब सात फिट रहेको छ भने साघुर ढुङ्गाको प्वालबाट वारपार गरेमा धर्मद्वार प्रवेश सफल भएको मानिन्छ । धर्मद्वार प्रवेश गरिसकेपछि यसअघिका जतिसुकै पाप समेत कटिने र पुण्य मिल्ने भएकाले पनि यो द्वारमा छिर्नेहरुको भीड लाग्ने गरेको उहाँले बताउनुहुन्छ ।

पहिलो ओडारमा रहेको प्रसिद्ध शैलुङ्गेश्वर महादेवको मन्दिरमा हरेक वर्ष जनैपूर्णिमा र बालाचतुदर्शीका दिन भव्य मेला लाग्ने गर्दछ । मेलाका बखत धामी झाँक्रीहरूको बाक्लो उपस्थिति हुने गरेको शैलुङ गाउँपालिकाको अध्यक्ष भरत दुलालले बताउनुभयो । त्यसैगरी दोस्रो ओडारमा प्रत्येक १२ वर्षमा एउटा गोदावरी फूल फुल्छ र त्यस समय यहाँ गोदावरी मेला लाग्ने गर्दछ । गोदावरी फूल फुल्दा ओडारमा दूध जस्तो तरल पदार्थ चुहिने गर्दछ । त्यसमा मानिसले नुहाएमा रोग नलाग्ने र छालाहरु सधैँ नरम रहने विश्वार गरिन्छ ।

यहाँ दोलखा, रामेछाप, सिन्धुपाल्चोक, काभ्रेपलाञ्चोक, काठमाडौं लगायतका स्थानबाट मानिसहरू आउने गर्छन् ।
राजधानी काठमाडौँबाट अरनिको राजमार्ग हुँदै लामोसाँगु जिरी सडक खण्डको मुडे बाजारबाट बाघखोर हुँदै १२० किलो मिटरको दुरीमा करीब पाँच घण्टा र सदरमुकाम चरिकोटबाट मांकाल मन्दिर हुँदै ३८ किलोमिटरको दुरीमा करिब डेढ घण्टामा कालापानी पुग्न सकिन्छ । त्यहाँबाट करिब ४५ मिनेटदेखि एक घण्टा सिँढीमा हिडेर धर्मद्वार लगायत पवित्र भूमि शैलुङ पुगिने अध्यक्ष दुलालले बताउनुभयो ।

प्रतिक्रिया दिनुहोस्

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार

सरकारको सबैभन्दा धेरै बजेट शिक्षामा, १ खर्ब ८० अर्ब ४ करोड विनियोजन

काठमाडौँ १५ जेठ :  सरकारले आगामी आर्थिक वर्ष २०७८/७९ का लागि सबैभन्दा धेरै शिक्षामा बजेट