२०८१, ११ जेष्ठ शुक्रबार

प्रचण्डको प्रश्न पार्टीमा भागबण्डा नमिलाई किन परिषद् बैठक डाकेको ?

प्रचण्डको प्रश्न पार्टीमा भागबण्डा नमिलाई किन परिषद् बैठक डाकेको ?


काठमाडौं २९ मंसिर पार्टीमा विधि, पद्धति र विधानका कुरा उठाईरहेका नेकपा अध्यक्ष पुष्पकमल दाहाल, प्रचण्ड र वरिष्ठ नेता माधवकुमार नेपालले भागबण्डा नमिलाई संवैधानिक परिषद्को बैठक बोलाएको असन्तुष्टि व्यक्त गरेका छन् । उनिहरुले पहिला खाली रहेका आयोगमा नियुक्त हुने व्यक्तिको तय पार्टीभित्र गरेर मात्रै बैठक बोलाउनुपर्ने माग गरेका छन् ।

उनिहरुले आफुहरुसँग परामर्श नै नगरी संवैधानिक परिषद बैठक बोलाएको भन्दै आक्रोशित बनेका छन् । परिषद्को नियमावली अनुसार योग्य मान्छे जुनसुकै आयोगका प्रमुख वा सदस्य बन्न सक्ने प्रावधान रहेको छ । तर, प्रचण्ड नेपाल पक्षले अख्तियार दुरुपयोग अनुसन्धान आयोगमा आफुले भनेको व्यक्ति पठाउनुपर्ने अडान राख्दै आएका छन् । पार्टीमा देखिएको संकट समाधानका लागि स्थायी कमिटी बैठक बसिरहेको अवस्थामा प्रधानमन्त्री ओलीले एकतर्फी रूपमा परिषदको बैठक बोलाएको भन्दै अध्यक्ष प्रचण्ड र वरिष्ठ नेता नेपाल पक्ष रुष्ट बनेको हो ।

प्रचण्डले आफूनिकट नेताहरूसँग ओलीले पार्टी फूटका लागि थप आधार तयार गरेको भन्दै पार्टीमा देखिएको संकट थप गम्भीर मोडमा पुगेको आरोप लगाउदै आएका छन् । प्रधानमन्त्री ओलीले आइतवार परिषदको बैठक बोलाएपनि कांग्रेस सभापति शेरबहादुर देउवा र प्रतिनिधि सभाका सभामुख अग्निप्रसाद सापकोटा उपस्थित नभएपछि बैठक स्थगित भएको थियो । तर, सो बैठक मंगलवार बिहान ९ बजेका लागि बोलाइएको छ ।

परिषदमा प्रधानमन्त्री अध्यक्ष हुने व्यवस्था छ भने प्रतिनिधि सभाका सभामुख, प्रमुख प्रतिपक्षी दलका नेता, राष्ट्रिय सभाका अध्यक्ष, प्रधानन्यायाधीश र प्रतिनिधि सभाका उपसभामुख सदस्य रहने व्यवस्था छ । परिषद्मा विपक्षी दलका नेतालाई मात्रै अनिवार्य उपस्थिति हुनुपर्ने प्रवाधान गरेको छ । परिषदले संवैधानिक नियुक्तिका लागि सिफारिस गर्ने काम गर्छ ।

प्रकाशित मिति : २०७७, २९ मंसिर सोमबार  १० : १९ बजे

कोशी प्रदेशमा मुख्यमन्त्री कार्कीले पाए विश्वासको मत

काठमाडौं । कोशी प्रदेशका मुख्यमन्त्री हिक्मतकुमार कार्कीले प्रदेशसभाबाट सोमबार विश्वासको

आफ्ना छोराछोरीलाई सामुदायिक विद्यालयमा नपढाउने शिक्षकलाई कारबाही हुन्छ: नगरप्रमुख पोखरेल

सिन्धुली: कमलामाई नगरपालिकाका नगरप्रमुख उपेन्द्रकुमार पोखरेलले सरकारी तलवभत्ता खाएर आफ्ना

जंगलको डढेलो गाउँमा, ७० भन्दा धेरै घरगोठ जले

रुपन्देही: लुम्बिनी प्रदेशका पहाडी जिल्ला अर्घाखाँची, गुल्मी, पाल्पा, प्यूठानका वन

विराटनगरको रानीमा झडप: डिएसपीसहित ७ प्रहरी घाइते

विराटनगर: मोरङ प्रशासनले अर्को सूचना जारी नहुञ्जेल भेला, र्‍याली, सभा

काभ्रेमा अज्ञात समूहले काटिदियो बुद्धचित्तको बोट, तीन करोडमा लागेको थियो ठेक्का

काभ्रे । काभ्रेको रोशी–५ नागबेलीमा रहेको ठकुरानी तामाङको घरमा रहेको