Logo

महिला पत्रकारको गोली हानेर हत्या, जिम्मेवारी कसैले लिएन



काठमाडौं, २६ मंसिर :  पूर्वी अफगानिस्तानमा पत्रकार महिला मलाला माइवन्दलाई गोली हानी हत्या गरिएको छ । बिहीबार जलालाबादमा गाडीमा चढेर काममा गइरहेको बेला माइवन्दमाथि हतियारधारी व्यक्तिहरुले गोली प्रहार गर्दा चालक मोहम्मद ताहिरसहित उनको मृत्यु भएको हो ।

घटनाको हालसम्म कसैले पनि जिम्मेवारी लिएको छैन । प्रान्तीय गभर्नरका प्रवक्ताले घटनापछि हत्यारा उक्त क्षेत्रबाट भाग्न सफल भएको स्थानीय सञ्चार माध्यमलाई बताएका छन् । माइवन्द एनिकास टीभी एन्ड रेडियोको पत्रकार थिइन् । उनी सामाजिक अधिकारकर्मी पनि थिइन् । उनी अफगानिस्तानमा पत्रकार महिलाले भोग्नुपर्ने चुनौतीबारे बोलेकी थिइन् ।

समाचार एजेन्सी रोयटर्सका अनुसार, माइवन्दकी आमा पनि अधिकारकर्मी थिइन्, जसको पाँच वर्षअघि अज्ञात बन्दुकधारीहरुले हत्या गरेका थिए । अफगानिस्तानस्थित बेलायतका राजदूत एलिसन ब्लेकले माइवन्दको हत्याको घटनाको निन्दा गर्दै यसको अनुसन्धान हुनुपर्ने बताएका छन् । उनले ट्वीटरमा लेखेका छन्, “प्रेस स्वतन्त्रताको लागि हामी एकजुट हुनुपर्छ । माइवन्दको हत्याबारे छानबिन हुनुपर्छ र दोषीलाई यो घृषित कार्यको लागि सजाय मिल्नुपर्छ ।’

अफगानिस्तानमा पछिल्लो समय कैयौं पत्रकार, सामाजिक कार्यकर्ता र राजनीतिक व्यक्तिहरुलाई निशाना बनाइएको छ । पछिल्लो महीना मात्रै चर्चित टेलिभिजन प्रस्तोता यामा सियावाशसहित तीन जनाको हत्या गरिएको थियो । यस्तै, रेडियो लिबर्टीका रिपोर्टर आलियास दायीलाई हेल्मन्ड प्रान्तको लश्कर गाहमा कार बम विस्फोटमा मारिएको थियो । बीबीसी

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार