Logo

मृत्यु शैयाबाट कमान सि.ले श्रीमतीलाई संबोधन गरेको पत्र ‘प्रिय हाम्रो प्रेम बर्मुडा ट्रयाङ्गलमा फस्यो’



धुलिखेल २५ मंसिर  :  काभ्रेली कम्युनिष्ट आन्दोलनका संस्थापक मध्येका एक नेता कमान सिं लामाको कोरोनाका कारण मृत्यु भएको छ । नेता लामाको उपचारको क्रममा अस्पतालमा मृत्यु भएको हो । लामा प्रति नेकपाका कार्यकारी अध्यक्ष प्रचण्डले शोक वक्तव्य जारी गरि श्रद्धाञ्जली व्यक्त गरेका छन् । पारिवारिक स्रोतका अनुसार लामाको श्रीमतीसंग केही महिना अघिदेखि बेमेल रहेको थियो । लामाले अस्पतालको मृत्यु शैयाबाट श्रीमतीको नाममा मर्मस्पर्शी पत्र लेखेका छन् ।

हेर्नुहोस् लामाको पत्र

आमा नामनै कति मोहक शब्द “आमा” मैले संसारमा सब भन्दा बढी मया गर्ने “आमा
प्रीय मैले तिमीलाई त्यही आमा पछिको दोश्रो माया गरेको थिए । तर त्यो आज याम्बालिंग रुपी बर्मुडा ट्रयाङगलमा फसेकोछ । तिमी यसलाई सामान्य लोग्नी स्वस्नीको झगडाको रूपमा लिंदै आफ्नो स्वास्नी आफैले हात लिन सक्नु पर्छ भन्नछन” छ्या कति कुरुप सिलावरको देक्ची कूचिैएका कुरुप विचार र अनुहार बोकेका तिम्रा जिग्री दोस्तहरु ।

प्रिय, तिमी त उस्को परिवार रे आफ्नो श्रीमतीलाई आफैले हात लिनु पर्छ रे । वा रे वा नेताज्यू हातमा हैन मैले सिरमा राखेको थिए । ढोंगीहरुले त हातमा भनेर घुँडामा झुण्ड्याउने हो क्यार । जे होस तिम्रा जाल झेल खेती सप्रेकोनै छ । सादा जीवन उच्च विचारका होर्दिङ बोर्ड बगैंचा घरका भित्तामा टाँसेका छौ । त्यो कत्तिको सहज लाग्छ कुन्नी । मलाई त हाँडि घोप्टे जस्तो लाग्छ ।

ठमेलमा ५० हजार यु एस डलरको विटा भेट्टाएछ । सोह्रखुट्टे पार्टिको भित्तामा गाइको गोवरले डलर टाँसेर झिली मिली बनाएछ । हाँडिमा खिचडि बसाएर दूइ बुढाबुढि गीत गाएर नाचिबसेको खोज्दै जाने प्रहरी र टुरिष्टले भेटेछ । यहि केशले हाँडि घोप्टेको लोग्ने स्वास्नीको यूरोप अमेरिकाको यात्रा भयो । हाम्रा माहान पाका माहान साधु सन्त नेताका यत्तिको नैतिक्ता र विचार पनि मैले देखिन । थुईक्क जाली फटाहा द्रव्य पिशाचहरु ।

प्रिय मेरी,

प्रिय हाम्रो प्रेम बर्मुडा ट्य्राण्गलमा फस्यो प्रीय!
१.मेरो म्क्ष्न्ल्क्ष्त्थ् स्वाभिमानको ट्य्राङगल
२. चल अचल भौतिक सम्पत्ति प्रतिको तिम्रो आसक्ती
३. हाम्रो वीचको सामाजिक सम्बन्ध, स्थापित मूल्य मान्यता र त्यसमा आएको परिबर्तनले ल्याएका अन्तर बिरोधहरु ।

यो हो हाम्रो वीचको अहिलेको बर्मूडाको ट्य्राङगल ।
याद गर प्रिय मैले तिमीलाई सबै कुरो सम्पत्ति सम्म सुम्पें । तर मेरो स्वाभिमान प्रति खेलवाड गर्ने छुट दिईएको छैन । धेरैले नबुझेका र तिमीले पनि नबुझेको कुरो यहि छ ।
बर्मूडा ट्य्राङगल त्यो त्रासदिपूर्ण आजसम्म त्यसको भेद खोल्न सकेको छैन । तर यसको बनावट भूमध्य रेखा काल्पनीक लाइन संगै भएको हो । जब पृथ्वी एउटै ढिक्कोको एउटै समुन्द्र थियो । हामी बसेको भू भाग गोण्डावना ल्याण्डसंगै दक्षिणी धुर्बमा टांसिएर बसेको थियो । त्यसबखत ठुला ठुला भौगोलिक उथल पुथल भइरहन्थे । एक्कासी गोण्डावना ल्याण्ड दक्षिणी धुर्बसंग छुट्टियो । ३ मिटर उत्तर सर्यो । पृथ्वी बीचमा उसिनेको अण्डा वीचमा फटाएको जस्तो फुट्यो । पृथ्वी दुइ भागमा बाँडियो । उत्तरी गोलार्ध पाँगिया र दक्षिणी गोलार्ध गोण्डावना ल्याण्ड । यहि घटनामा भूमध्य रेखीय क्षेत्रमा बर्मुडा ट्रयाङगल बन्यो । त्यो आज पर्यन्त अभेद्य छ । त्यस्तै हामी हाम्रो बर्मुडा ट्रयाङगलमा फसेका छौं ।

प्रिय,
तिमीले कुरा नबुझ्दा र तिमीले जानी जानी धोका दिँदा मेरा केही सपनाहरु अधुरानै रहने भए । राजनीतिक सपना राजनीतिक नेताहरुले गोलखाडि पुर्याइ हाले । के कुरा गर्ने ? तिमी म दुइ मिली यो पृथ्वीमा फनक्क एक फन्को लगाउने । विश्वका आठै वटा आश्चर्यको रस्वास्वादन गर्ने । माचिपिच्यूमा पुरानो पोर्तुगीज खाना खाने । गोन्जालोको देश हेर्ने । माकलबारीमा आफ्नै पिरामिड बनाउने पोहोरै योजना बनाएको थिएँ । त्यो तिमीले भाँडी दियौ ।

मध्यरातमा घाम झुल्किएको फिन्ल्याण्ड, नर्वेबाट रस्वास्वदन हामीदुइ साथै गर्ने सपना अधुरै रहने भयो । ट्रान्स साइबेरियन ट्रेन चढेर ब्लादिभोस्तक जाने । उलान बटोर र ऐतिहासिक गोवि मरुभूमीमा उट चढने सपना अधुरै रहने भयो । मानव विकासक्रमको २૪ लाख बर्षको ईतिहासमा सिन्थोपस प्रकृतिको जीवाष्मका मूलका मानिसहरू ड्रागन पाहाड भिरालोका मानिसहरु पेकिङम्यान, लान्तीयान म्यान, वुसानम्यानले गरेका उपलब्धी र आदीबारे अलि शुक्ष्म अध्ययन गरी हाम्रो ठुँसाका बारे भौतिक रूपमै उपस्थित भएर अध्ययन गर्ने । दोङ सिङदान तथा धेरै हामी टिवेटो बर्मिज भाषा समुह र मंगोल मूलका पुर्खाहरुले एक ठुलो नदीको धार परिबर्तन गरि अहिलेको साइन्स र टेक्नोलोजीको युगमा पनि आस्चर्य चकित हुने हाम्रा प्राग कालिन पुर्खाको पौरख र सिप विज्ञान प्रविधिसँगै पढने ईच्छा अधुरै रहने भयो ।

हाम्रो शास्त्रले भनेको वुइसाझ, उर्गेन ह्युल, अब आउने बसन्त रितुमा अध्ययन भ्रमणको रूपमा डुल्ने योजना थियो त्यो अधुरै रह्यो । प्रीय म कोरोनाले लिएर जानको लागी सबै योग्यता पुगेको मान्छे म अरुले भने मृत्यु शैयाबाट भन्थे होला तर म भन्दिन । कोभिडसँग पैँठे जोरि खेल्दैछु । सायद म बाच्छु पनि होला मेरा वरपरबाट धेरै गए पनि । तर म आत्तिन्न । यो अन्तिम घडिमा पनि मेरो धन मेरो लागी काम लाग्दैन भने त्यो धनको के काम । आफ्नो पाउनु पर्ने त यो हालतमा दिँदैन भने मेरो निम्ती कहिलेलाई चाहियो रु यो जीवन मरणको लडाईको बेला मेरो श्रीमती म साथ हुन्न भने त्यो श्रीमती अझै श्रीमती भनिरहनु कत्तिको औचित्य रु लौ प्रिय गरि खान मनग्य गरि दिएकोछु । बाँकी जीवन मोज गर । मैले पुरा गर्न नसकेको अधुरा काम अरुसँगै पुरा गर । आठै आस्वर्य हेर्ने घुम्ने भोक मैले नै जगाइ सकेकोछु तिमी सक्षम पनि छौ ।

लौ बधाई  छ प्रिय
२८ र ३० बर्ष तिम्रो साथ  । ६ र ७ महिना बाहेक ज्यादै सुखद नै रह्यो । यो ६ र ७ महिनाले मलाई गलायो किनकी मैले तिम्रो मायामा विस्वास घात पाएँ । मेरो सेयरको करीब दूइ बर्षको साँवा ब्याज मेरो खातामा जम्मा गरेर आइज कुरो सहजै मिल्यो । उस्ले पैसा नदिए सिधै म सँग मिल्न आइज हामी दुई भएर मुद्दा लडौँ या रिजनब्ली मिल्न आए मिल्ने ।

प्रिय,

यदि तिमी जाली फटाहाकै पक्षमा लागिनै रहने हो भने मेरो र तिम्रो बीचको सम्बन्ध मेरो यस्तो बेलामा पनि तिम्रो साथ मलाइ रहन्न भने । सम्बन्ध छ भनि रहनु को औचित्यै के रह्यो र प्रीय । कुनै माध्यमले काम नगरे पछि बडो सरमका साथ यो मिडिया अपनाएं माफगर प्रीय । यदि म मरे, मेरो काजक्रियामा तिमी र मेरो भाई इमान सामेल नहुनु ।

यो मेरो बिन्ती 

को हुन कामन सिं लामा

कमान सिं लामाको जन्म २००८ साल फागुन ९ गते बुबा चन्द्र सिं लामा र आमा मिश्रीमाया लामाको कोखबाट भएको थियो । २०३३ सालमा कमरेड निर्मल लामा नेतृत्वको ने.क.पा (चौम)बाट कम्युनिष्ट पार्टीको सदस्य बन्नुभएका कमरेड लामा २०३५ सालमा मेरो नेतृत्वमा गठित अखिल नेपाल युवा संघको केन्द्रीय संस्थापक सदस्य हुनुभयो । २०६३ सालमा पुनरस्थापित संसद सदस्य रहनुभएका उहाँ दक्षिण कोरियाका राजदूत हुनुभएको थियो ।’ नेपाली कम्युनिष्ट आन्दोलनमा महत्वपूर्ण भूमिका निर्वाह गरेका लामा हक्की, निडर र जातीय पहिचान र आत्मनिणर्यको अधिकारको आन्दोलनमा अग्रमोर्चामा रहँदै आएको थियो । लामाका दुई श्रीमतीहरु, १ छोरा र ४ छोरीहरु हुनुहुन्छ ।

 

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार