धुलिखेल, २७ असारः काभ्रेमा एक युवतीमा कोरोना संक्रमण पुष्टि भएको छ । बनेपा नगरपालिका वडा नम्बर ६ बुडोल की २४ बर्षीय युवतीमा कोरोना संक्रमण पुष्टि भएको जिल्ला कमाण्ड पोष्टले जनाएको छ ।
ती युवतीकाे असार १९ गते स्वाब संकलन गरिएको थियो । २२ गते आएको रिपोर्टमा कोरोना पुष्टि भएको हो । हाल उनलाई बनेपा स्थित शिर मेमोरियल अस्पतालमा उपचार भइरहेको छ ।
योसँगै काभ्रेमा कोरोना संक्रमितको संख्या २१ पुगेको छ । त्यस मध्ये १० जना उपचारपछि घर फर्किएका छन् ।
यसैबीच कोरोना संक्रमित देखिएपछि बनेपा नगरपालिका वडा नम्बर ६ मा प्रवेश निषेध गरिएको छ । वडा कार्यालयले कोरोना भाइरसको संक्रमण फैलिन सक्ने भन्दै वडाभित्र प्रवेश गर्न रोक लगाएको हो ।
वडाध्यक्ष सचितानन्द केसीले आज एक सुचना निकालेर आवात आवाजमा पूर्ण रोक लगाएको बताउनुभयो । वडा कार्यालयले अरनिको राजमार्गको उत्तर तर्फ, शहिद मार्गको पश्चिम तर्फ, चण्डेश्वरी खोलाको पूर्व तर्फ र शहिद स्मारक क्षेत्रको दक्षिण खत्री गाउँ क्षेत्रमा अर्को सूचना जारी नहुदाँसम्म सिल गरिएको वडाध्यक्ष केसीले बताउनुभयो ।
प्रतिक्रिया