Logo

सिन्धुपाल्चोकमा ६ स्रष्टा र पत्रकार सम्मानित



देवराज सुवेदी, मेलम्ची, ६ असारः दोस्रो बृहत् सिन्धु साहित्य सम्मेलनमा सिन्धुपाल्चोकमा जन्मिएका ६ जना स्रष्टा र पत्रकारहरुलाई सम्मान गरिएको छ । दुःखी प्रकाशनको आयोजना र शब्द–सारथिको सहआयोजनामा शनिबार चौतारामा भएको बागमती प्रदेशस्तरीय कविता प्रतियोगिता एवम् सम्मान समारोहामा जिल्लामा साहित्यमा योगदान पु¥याउने ३ स्रष्टालाई सम्मान गरिएको छ । अमित घिमिरे, कृष्ण सुवेदी ‘भारद्वाज मित्र’, सरल सहयात्री पौडेललाई सम्मान गरिएको हो ।

त्यस्तै जिल्लामा जन्मिएर विभिन्न सञ्चार क्षेत्रमा क्रियाशिल ३ पत्रकारलाई पनि सम्मान गरिएको छ । बागमती प्रदेशका प्रेस रजिस्टार्ड रेवती सापकोटा, न्यूज २४ का प्रमोद न्यौपाने र कान्तिपुरमा कार्यरत दामोदर न्यौपानेलाई सम्मान गरिएको हो । सम्मानित व्यक्तिहरुलाई चौतारा साँगाचोकगढी नगरपालिकाका प्रमुख आमानसिं तामाङले सम्मानपत्र प्रदान गरेका थिए । सम्मानित स्रष्टा र पत्रकारहरुले आपूm सम्मानित हुँदा थप जिम्मेवारी बढेको अनुभूति भएको बताए ।

सम्मेलन अन्र्तगत भएको बागमती प्रदेशस्तरीय कविता प्रतियोगितामा नुवाकोटका पुरु लम्साल प्रथम भएका छन । उनको घामलाई चिठी शीर्षकको कविता प्रथम भएको हो । त्यस्तै सुमन आलोक द्वितीय, रोजिना पराजुली तृतीय, पवन ढुङ्गाना र सविता थापा सान्त्वना भएका छन् । प्रतियोगितामा प्रथम, द्वितीय र तृतीय हुने कविहरुलाई क्रमसः ३० हजार, २० हजार र १० हजार नगदसहित प्रमाणपत्र प्रदान गरिएको छ । सान्त्वना हुने दुई कविहरुलाई नगद ३ हजार सहित प्रमाणपत्र प्रदान गरिएको छ । कविताको मूल्याङ्कन साहित्यकार रमेश शुचेच्छु, जीवन श्रेष्ठ र डम्बर रसिक भारतीले गरेका थिए ।

सम्मेलनमा स्रष्टा सरल सहयात्री पौडेलले बागमती प्रदेशमा प्रगतिशील साहित्य लेखन र शशिनाथ आचार्यले सिन्धु साहित्यको इतिहास विषयमा कार्यपत्र प्रस्तुत गरे । कार्यक्रमकै बीच सिन्धुपाल्चोकमा बाल साहित्य लेख्ने स्रष्टालाई लक्षित गरी मित्र प्रष्तिष्ठानद्वारा बाल साहित्य पुरस्कार कोषको घोषणा गरिएको छ । दुःखी प्रकाशनमार्फत पुरस्कार प्रदान गर्ने गरी सम्झैता भएको हो । यहि अवसरमा मित्र प्रतिष्ठानका अध्यक्ष कृष्ण सुवेदी ‘भारद्वाज मित्र’ ले दुःखी प्रकाशनका अध्यक्ष सुरेश कसजूलाई कोष स्थापनाको लागि १ लाख रुपैंयाको चेक प्रदान गरेका थिए ।

कार्यक्रममा प्रमुख अतिथि एवम् चौतारा साँगाचोकगढी नगरपालिकाका प्रमुख अमानसिं तामाङले साहित्यले समाज परिवर्तन गर्न सक्ने भन्दै स्रष्टाहरुलाई नियमित सिर्जनाकर्ममा लागिरहन आग्रह गरे । ‘साहित्य प्रेरणाको स्रोत हो’, तामाङले भने– ‘यसले जीवन ज्यूने कला सिकाउँछ । म स्रष्टाहरुलाई निरन्तर साहित्य साधनामा लाग्न आग्रह गर्दछु ।’ दुःखी प्रकाशनले कोरोना महामारीको बीच पनि सामाजिक दूरी कायम गर्दै साहित्यिक माहौल बनाएमको र जिल्लाको नाम उँचो बनाउने व्यक्तित्वहरुलाई गरेको सम्मान उदाहरणीय भएको बताए ।

कार्यक्रममा शब्द सारथिको सचिव सुन्दर शिरीषले अतिथिहरुको स्वागत गर्दै दुःखी प्रकाशनले पहिलो बृहत् सिन्धु साहित्य सम्मेलन गरेको २६ वर्ष पछि दोस्रो सम्मेलनको आयोजना गरेको बताए । साहित्यको उन्नयनको लागि निरन्तर लागिरहेको प्रकाशनले ३० भन्दा बढी स्रष्टाको पुस्तक प्रकाशन गरेको उनको भनाई थियो । कार्यक्रममा शब्द–सारथिद्वारा प्रकाशन गरिएको ‘सारथि’ स्मारिकाको विमोचन पनि गरिएको थियो ।

प्रतिक्रिया दिनुहोस्

धुलिखेल नगरपालिकाले भन्यो ‘स्नातक तह पढ्ने विद्यार्थीलाई कुनै शुल्क लाग्दैन’

धुलिखेल, १९ असारः काभ्रेको धुलिखेल नगरपालिकाले धुलिखेल क्याम्पस र सञ्जिवनी नमुना क्याम्पसमा स्नातक तहमा पढ्ने

शिक्षामा मण्डनदेउपुर नगरपालिकाको लोभलाग्दो कार्यक्रम

धुलिखेल, ११ असारः काभ्रे जिल्लाको कान्छो नगरपालिका मण्डनदेउपुरले शिक्षा क्षेत्रमा आगामी बर्ष पनि लोभलाग्दो कार्यक्रम

सरकारले वर्ष एसईई परीक्षा नलिने निर्णय गर्यो

काठमाडौं २८ जेठ : सरकारले यस वर्षको माध्यमिक शिक्षा परीक्षा (एसईई) नलिने भएको छ ।

सिन्धुपाल्चोकको बुद्धोदय माविमा कम्प्युटर इन्जिनियरिङ विषयको पठनपाठन हुने

धुलिखेल, २७ जेठः सिन्धुपाल्चोक जिल्लाको लिसंखु पाखर गाउँपालिका वडा नम्बर २ मा रहेको बुद्धोदय माध्यामिक

धुलिखेल नगरपालिकाले थाल्यो विद्यार्थीको वर्गीकरण गर्न

धुलिखेल, २३ जेठः धुलिखेल नगरपालिकाले विद्यार्थीको पहिचान तथा वर्गीकरण सुरु गरेको छ । वैकल्पिक प्रणालीबाट

एसईई परीक्षा स्थगित, काभ्रेबाट कति सामेल हुदैँ थिए ?

धुलिखेल, ५ फागनु : सरकारले माध्यमिक शिक्षा परीक्षा (एसईई) स्थगित गरेको छ । कोभिड १९

error: Content is protected !!