Logo

पूर्व मन्त्री बास्कोटाले गरे ३४ मजदुरको उद्धार



धुलिखेल, १९ चैतः पूर्व सुचना तथा सञ्चार प्रविधिमन्त्री गोकुल बास्कोटाले ३४ जना मजदुरको उद्धार गरेका छन् । काभ्रेको पाँचखाल नगरपालिका वडा नम्बर २ घर भइ हाल धादिङको इट्टा भट्टमा अलपत्र परेका ३४ मजदुरको उद्धार गरेका हुन् । पूर्व मन्त्री बास्कोटाले सामाजिक सञ्जाल फेसबुक मार्फत अलपत्र परेको मजदुरको उद्धार गरी घरसम्म पुर्याउन सहयोग गरेको बताएका छन् ।

बुधबार बिहान गाउँ पुगेको उनीहरुलाई ज्वरो जाँच गरेर दुई हप्तासम्म आफ्नै घरमा बस्न र बाहिर अनावश्यक रुपमा हिड्डुल नगर्न आग्रह गरिएको वडाध्यक्ष हरि खतिवडाले जानकारी दिए । नगरपालिकाका स्वास्थ्यकर्मी लगेर वडाध्यक्ष खतिवडाले उद्धार गरिएका सबै मदजुरको ज्वरो जाँच गराएका हुन् । स्वास्थ्यकर्मीहरुले सबै मजदुरको अवस्था ठीक रहेको बताएका वडाध्यक्ष खतिवडाले जानकारी दिए ।

३४ जना मजदुर परिवार सहित धादिङको धार्के स्थित टायल घर बि.बि.इट्टा भट्टमा काम गर्दै आएका थिए । लकडाउन पनि उनीहरु अलपत्र परेका थिए ।

प्रतिक्रिया दिनुहोस्