इलाम २८ फागुन : फाकफोकथुम गाउँपालिका–५ का ३५ वर्षीय धनबहादुर खपाङ्गी र ३४ वर्षीया रीता खपाङ्गीको फागुन २८ गते रहस्यमय हत्या भएको प्रहरीले जनाएको छ ।
खपाङ्गी दम्पती आफ्नै घरको सिकुवामा रगतपच्छे अवस्थामा मृत भेटिएको इलाका प्रहरी कार्यालय मंगलबारेका सई भूपेन्द्र ढुङ्गानाले बताउनुभयो । खपाङ्गी दम्पतीलाई मृत्त अवस्थामा देखेपछि छिमेकीले प्रहरीमा खबर गरेका थिए ।
घटनाको विषयमा अनुसन्धान थालिएको प्रहरीले जनाएको छ । दुई ओटै शव पोष्टमार्टमका लागि जिल्ला अस्पताल इलाममा राखिएको छ ।
प्रतिक्रिया