Logo

काभ्रेमा दादुरा–रुबेला खोप अभियान चैत २ गतेदेखि सुरु हुदैँ (कुन पालिकामा कहिले)



धुलिखेल, २९ फागुनः काभ्रेमा ९ महिना देखि ५ वर्ष मुनिका बालबालिकाका लागि दादुरा-रुबेला खोप दुई चरणमा सञ्चालन हुने भएको छ । पहिलो चरणको खोप अभियान चैत २ देखि १० गतेसम्म सञ्चालन हुनेछ । जिल्ला स्वास्थ्य कार्यालयले बिहिबार पत्रकार सम्मेलन गरेर दिएको जानकारी अनुसार भुम्लु, चौरीदेउराली, तेमाल, रोशी गाउँपालिका र मण्डनदेउपुर, धुलिखेल, पाँचखाल र नमोबुद्ध नगरपालिकामा पहिलो चरणको खोप कार्यक्रम सञ्चालन हुने छ ।

त्यस्तै दोस्रो चरणको खोप कार्यक्रम चैत १४ देखि २२ गतेसम्म जिल्लाको पाँचवटा स्थानीय तहमा सञ्चालन गरिने जिल्ला स्वास्थ्य कार्यालय काभ्रेका प्रमुख डाक्टर नगेन्द्र कुमार झाले जानकारी दिए । बनेपा र पनौती नगरपालिका, बेथानचोक, खानीखोला र महाभारत गाउँपालिकामा खोप अभियान सञ्चालन हुनेछ ।

दुबै चरणमा गरी जिल्लाका ३१ हजार ७ सय ९२ जना बालबालिकाले खोप लगाउने छन् । जिल्लाको ९ सय ६२ वटा खोप केन्द्र मार्फत खोप लगाउन सकिने जिल्ला स्वास्थ्य कार्यालयका प्रमुख डाक्टर झाले बताए । खोप अभियानमा १ हजार ९ सय २४ जना स्वयंम सेवक र १ हजार ८७ जना खोप कार्यकर्ता परिचालन हुनेछन् ।

जिल्ला स्वास्थ्य कार्यालयले पहिलो चरणका लागि खोप तथा कोल्डचेनको आपुुर्ति र वितरण सुरु गरिरहेको छ भने दोस्रो चरणका लागि चैत १० गतेदेखि सुरु हुनेछ । जिल्लामा अझै २४ प्रतिशत बालबालिकाले ९ महिनामा लगाउने दादुरा–रुबेला खोप नलगाएको जिल्ला स्वास्थ्य कार्यालयका प्रमुख डाक्टर झाले बताए ।

यो पटकको दादुरा-रुबेला खोप विशेष हुनेछ । ९ महिना देखि ५ वर्ष मुनिका बालबालिकाका अभिभावकलाई पालिकाका प्रमुख वा स्वास्थ्य संस्था प्रमुखले निमन्त्रणा पत्र पठाइने छन् । वडाध्यक्षले आफ्नो वडामा कुनै पनि बालबालिका दादुरा-रुबेलाको खोपबाट बञ्जित नभएको सुनिश्चितता गर्नुपर्नेछ । काभ्रे जिल्ला पूर्ण खोप सुनिश्चितता घोषणा भएको जिल्ला पनि हो ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार