Logo

काभ्रे बारको अभियान, स्थानीय तहमा जनप्रतिनिधिसँग कानुनी साक्षत्कार



धुलिखेल, १३ फाल्गुण :  नेपाल बार एशोसिएशन, काभ्रेले स्थानीय तहसँग सम्बन्धित कानुन तथा जनप्रतिनिधिबीच कानुनी साक्षत्कार कार्यक्रम शुरु गरेको छ । काभे्र बारले आज तेमाल गाउँपालिकाका जनप्रतिनिधि लगायत न्यायिक समितिका पदाधिकारीसँग कानुनी साक्षत्कार कार्यक्रम थालेको हो ।

कार्यक्रममा गाउँपालिकाका अध्यक्ष सलासिं तामाङले गाउँपालिकामा रहेको न्यायिक समितिले सम्पादन गरेको न्याय सम्बन्धी गतिविधी प्रशंसनीय रहेको बताएका थिए । उनले तेमालमा न्यायका लागि गाउँपालिकाभरिका जनतालाई न्यायिक शिक्षा प्रदान गर्न काभ्रे बारसँग सहकार्य गरेर प्रत्येक वडामा कानुनी साक्षत्कार कार्यक्रम सञ्चालन गर्न तयार रहेको बताएका छन् ।

कार्यक्रममा काभ्रे बारका अध्यक्ष देवकुमार मोक्तानले स्थानीय तहले स्थानीय सरकार सञ्चालन ऐन २०७४ अन्तर्गत रहेर गाउँपालिकाले न्याय सम्पादनको क्षेत्रमा काम गर्नुपर्ने बताए । मुक्तानले सुखी र समृद्ध नेपाल निर्माणको अभियान कानुनसँगै जोडिएर आएको हुनाले कानुन कार्यान्वयनमा स्थानीय जनप्रतिनिधि र सरोकारवालाहरु लाग्नुपर्ने बताए । यसैगरी गाउँपालिकाकी उपाध्यक्ष दुर्गामाया तामाङले गाउँपालिकामा ६१ जना मेलमिलापकर्ता र ३ जना न्यायिक समितिले न्याय सम्पादनको काम गरेको बताएकी छन् । उपाध्यक्ष तामाङले गाउँपालिकाका विद्यालयहरुमा पनि कानुनी ज्ञान सम्बन्धी कार्यक्रम सञ्चालन गर्नुपर्ने बताएकी छन् ।

तेमाल गाउँपालिकाका प्रमुख प्रशासकीय अधिकृत लक्ष्मण कुईकेलले विकास निर्माणको अभियानलाई सहज बनाउन गाउँसभाबाट अहिलेसम्म ऐन, नियमावली र कार्यविधी ७ वटा निर्माण गरिएको बताएका थिए । उनले थप कानुन बनाउनका लागि गाउँपालिकाले र जिल्ला बारसँग सहकार्य गर्ने बताएका छन् । जिल्ला बारको कानुनी सहायता समितिले आर्थिक अभावका कारण कानुनी सेवाबाट बञ्चीत भएकाहरुका लागि कानुनी सेवा प्रदान गदै आएको काभ्रे बारका उपाध्यक्ष विजयभक्त श्रेष्ठले कार्यक्रममा जानकारी गराएका थिए ।

यसैगरी कानुनी साक्षत्कार कार्यक्रममा जिल्ला बारका सचिव मधुसुदन वाग्लेले तीन तहको सरकारले कानुन निर्माण गर्ने अधिकार र कार्यान्वयन गर्ने तहसम्म रहेकाले प्रदेश र संघको कानुनसँग नबाझिने गरी स्थानीय तहले कानुन निर्माण गर्नुपर्ने बताए । तेमाल गाउँपालिकाका प्रवक्ता ज्ञानबहादुर तामाङले पालिकामार्फत सामाजिक सञ्जालमा विभिन्न विक्रितिजन्य सामग्रीहरु पोष्ट गर्नेलाई कारबाहीको दायरामा ल्याउन कस्तो कानुनको आवश्यकता पर्छ ? त्यस्तो कानुन बनाउनका लागि सहजीकरण गर्न जिल्ला बारलाई अनुरोध गरे ।

कार्यक्रममा तेमाल गाउँपालिका वडा नं. २ का अध्यक्ष तेमालसिं तामाङ, जिल्ला बारका कोषाध्यक्ष रामप्रसाद मानन्धर र जिल्ला बार सदस्य परमात्माराम पराजुली लगायतले स्थानीय तहले अवलम्वन गर्नुपर्ने कानुनका आधारभूत विषयमा प्रकाश पारेका थिए ।

कार्यक्रम नेपाल बार एशोसिएशन र तेमाल गाउँपालिकाको संयूक्त आयोजनामा पोखरीनारायणस्थानमा भएको थियो ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार