Logo

सिन्धुपाल्चोकको गुम्बामा एक बालक गम्भीर बिरामी, बिज्ञ टोली अझै पुगेन



धुलिखेल, १ फागुनः सिन्धुपाल्चोकको जुगल गाउँपालिका वडा नम्बर ३ मा केहिदिन यता फैलिएको रुघा, खोकी र ज्वरोका कारण एक बालक गम्भीर बिरामी गरेका छन् । बुधबार  चिकित्सकको सम्पर्कमा गम्भीर बिरामी भएका दुई जना बालक आएका थिए ।

गम्भीर दुई बालक मध्ये एक जना भने उपचार पछि सामान्य अवस्थामा फर्किएको गुम्बा सामुदायिक स्वास्थ्य इकाई प्रमुख अहेब हिक्मत बिसीले जानकारी दिए । गम्भीर बिरामी ति बालकलाई थप उपचारका लागि चिकित्सहरु अन्यत्रै जान पठाएपनि नमानेको अहेब जिसीले बताए ।

अहिले जरबिरे प्राथमिक स्वास्थ्य चौकीका डाक्टर, सामुदायिक स्वास्थ्य इकाई प्रमुख अहेब हिक्मत बिसी, गुम्बा स्वास्थ्य चौकीका प्रमुख र पालिकाका स्वास्थ्य स्वास्थ्य संयोजक अनिल साउदको टोली उपचारमा खटिएको छ । गुम्बा सामुदायिक स्वास्थ्य इकाइको सेवा क्षेत्रभित्र कम्तिमा ३५ सय मानिस रहेको बताइएको छ । २ सय ९० जनाको उपचार गरिएको छ । त्यसमा कतिपय दोहोरो जाँचका लागि पनि आएको सामुदायिक स्वास्थ्य इकाई प्रमुख बिसीले बताए ।

ठाउँ अभावमा चिकित्सकको निगरानीमा राखेर उपचार गर्न समेत समस्या भएको छ । सामुदायिक स्वास्थ्य इकाइमा राखेर उपचार गर्न पुग्ने ठाउँ छैन् । बिरामीको चाप निकै बढ्दो छ ।

यसैबीच बुधबार साझँ नै पुग्ने भनेको विज्ञ टोली अहिलेसम्म पनि पुगेको छैन । स्वास्थ्य तथा जनसंख्या मन्त्रालयले काठमाण्डौमा पत्रकार सम्मेलन गरेर बुधबार साझँ नै विज्ञ टोली पुग्ने बताएको थियो । तर अहिलेसम्म नपुगेको हो ।

प्रतिक्रिया दिनुहोस्
error: Content is protected !!