Logo

काभ्रेली प्रदेश सांसदहरु आफ्नै विपक्षीमा मतदान गर्दै



धुलिखेल, २७ पुसः झण्डै दुई वर्षअघि भोट माग्न जनताको घर दैलो पुग्दै गर्दा काभ्रेबाट प्रदेशसभा सदस्यका लागि उम्मेदवारी दिएका नेकपाका उम्मेदवारहरुले प्रदेशको स्थायी राजधानी काभ्रे बनाएरै छाड्ने उद्घोष गरे । जनताले पत्याए । ४ वटा प्रदेश निर्वाचन क्षेत्र रहेको काभ्रेमा सबै सिटमा नेकपाका उम्मेदवार विजयी भए ।

विजयी पछि आम मतदाताले सोचे प्रदेशको राजधानी काभ्रे आउँछ । काभ्रेली सांसदहरुले यसअघि काभ्रे हुनुपर्छ भनेर प्रस्ताव पनि संसद सचिवालयमा दर्ता गराएका थिए । तर पार्टीको निर्देशन उनीहरुले जनताको मतभन्दा ठूलो सम्झे र भलै आज आफ्नै विपक्षमा मतदान गर्दै छन । पार्टीको निर्देशन अघि उनीहरु निरिह साबित भए ।

निकै रस्साकस्सीका बीच प्रदेशको स्थायी राजधानी हेटौँडा र नाम बागमती हुने छ । यद्यपी स्थायी राजधानी र नाममा सर्वसम्मति भने हुन सकेन । प्रदेश सरकार गठन भएको दुई वित्तिसक्दा बल्ल प्रदेश ३ ले आफ्नो नाम र स्थायी राजधानीको टुंगो लगाउँदैछ । आइतबार (आज) बिहिन ९ बजेपछि बस्ने संसद बैठकले स्थायी राजधानी र नामको टंगो लगाउनेछ ।

शनिबार नेकपा, नेपाली काँग्रेस, राप्रपा र राप्रपा संयुक्तले प्रदेश राजधानी हेटौँडा र बागमती नाम रहने गरी प्रस्ताव दर्ता गराए । विवेकशील पार्टीले भने काभ्रेको धुलिखेल स्थायी राजधानी हुनुपर्ने प्रस्ताव दर्ता गराएको छ । प्रस्तावमाथि छलफल पनि सुरु भएको छ । तर काभ्रेली सांसदहरुले काभ्रेको विपक्ष र हेटौँडाको पक्षमा मतदान गर्नेछ ।

प्रदेश ३ को पाँचौ अधिवेशन सुरु भएको दिन सदनको रोष्टरमा उभिएर काभ्रेली सांसद बसुन्धरा हुमागाईले भनेका थिए ‘मुटु माथि ढुंगा राखि हास्नु पर्या छ’ । ठीक त्यस्तै आज जनतासामु गरेको बाचा भूल्दै काभ्रेली ५ जना सांसदहरु बसुन्धरा हुगामाई, चन्द्र लामा, रत्न ढकाल, लक्ष्मण लम्साल र गोमा भूर्तेलले काभ्रेकै विपक्षमा मतदान गर्नेछन ।

सभामुख सानु कुमार श्रेष्ठले दर्ता भएका दुबै प्रस्तावमा उपर सांसदहरुको मत लिनुहुनेछ । ११० जना जना सांसद रहेको सदनमा स्थायी राजधानी र नाम टुंग्याउनका लागि ७४ अर्थात दुई तिहाइ मत आवश्यक पर्छ । नेकपासँग बहुमत छ । विवेकशी पार्टीका जम्मा ३ जना मात्रै सांसद छन । १०७ जना सांसदले हेटौँडाको पक्षमा मतदात गर्नेछन ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार