धुलिखेल, २० पुस : विगत तीनदिन देखि मौसममा आएको बदलीसँगै काभ्रेको बेथानचोक गाउँपालिकामा पर्ने नारायणस्थानमा हिउँ परेको छ । शनिबार दिउँसो देखि नै नारायणस्थानमा हिउँ परेको हो । हिउँपरेपछि चिसो पनि निकै बढेको छ । जनजीवन थप कष्टकर बनेको छ ।

उता सिन्धुपाल्चोक जिल्लाको मुडे र हेलम्बुमा पनि हिउँ परेको छ । लिसंखु पाखर गाउँपालिकाको मुडे र हेलम्बु गाउँपालिकाको उच्च भागहरुमा हिउँ परेको हो । हेलम्बु, रेर्माथाङ, मेलम्ची घ्याङ, घ्याङह्वील लगायतका स्थानमा भारी हिमपात भएको छ ।

हेलम्बु क्षेत्रमा धेरै हिउँपरेका कारण मानिसलाई बाहिर हिड्डुल गर्न समेत निकै समस्या भएको छ ।

मुडेमा हिउँपर्दा लामुसाँघु जिरी सडक खण्ड अवरुद्ध समेत बन्न पुगेको थियो ।