धुलिखेल, पुस १९ : काठमाण्डौबाट दोलखाको कालिञ्चोक तर्फ जादैँ गरेको बोलेरो जीप सिन्धुपाल्चोकमा दुर्घटनामा परेको छ । ग २ च ६९६५ नम्बरको जीप सुनकोशी गाउँपालिका अन्तर्गत लामुसाँघू जिरी सडक खण्डको ६ किलो भन्ने ठाउँमा दुर्घटनामा परेको जिल्ला प्रहरी कार्यालय सिन्धुपाल्चोकले जनाएको छ ।

दुर्घटनामा ७ जना घाइते भएका छन ।

दुर्घटनामा घाइते मध्ये कम्तिमा तीन जनाको अवस्था गम्भीर रहेको सिन्धुपाल्चोक डिएसपी माधवप्रसाद काफ्लेले जानकारी दिए । घाइतेको उद्दार गरी सिन्धु सदावहार अस्पताल खाडिचौरमा उपचार भइरहेको छ । जीपमा १४ जना सवार थिए ।

अस्पतालले भने घाइतेहरुको अवस्था सामान्य नै रहेको बताएको छ ।