२०८१, ४ असार सोमबार

धुलिखेलको हनुमान र सञ्जिवनी विद्यालय आसपासका मदिरा र सुर्तिजन्य पदार्थ नियन्त्रण

धुलिखेलको हनुमान र सञ्जिवनी विद्यालय आसपासका मदिरा र सुर्तिजन्य पदार्थ नियन्त्रण


धुलिखेल , २३ मंसिरः काभ्रेको धुलिखेल नगरपालिकाभित्र रहेका दुईवटा विद्यालय आसपासका मदिरा र सुर्तिजन्य पदार्थ नियन्त्रणमा लिइएको छ ।

नगरपालिकाका उपप्रमूख विमला शर्माको नेतृत्वमा गएको टोलीले पात्लेखेतको हनुमान मावि र धुलिखेलको सन्जिवनी नमुना मावि परिसर भित्रको मदिरा तथा सुर्तीजन्य पदार्थ नियन्त्रणमा लिएको हो ।

विद्यालयको सटर भाडामा लिएर पसल ब्यवसाय चलाई रहेका ब्यापारीहरुले मदिरा र सुर्तिजन्य पदार्थ बेचविखन गरिरहेको भन्दै रेडियो नमोबुद्ध, खबरघर डटकम लगायतका सञ्चार माध्यममा समाचार आएपछि उपप्रमूखको टोलीले सोमबार विद्यालयको अनुगमन गरेको थियो । समाचार आएपछि अनेरास्ववियु धुलिखेल नगर कमिटीले पनि ज्ञापन पत्र बुझाउँदै मदिरा र सुर्तिजन्य पदार्थ हटाउन आग्रह गरेको थियो ।

अनुगमनका क्रममा भेटिएका सबै मदिरा र सुर्तिजन्य पदार्थ निणन्त्रणमा लिइएको अनेरास्ववियु धुलिखेल नगर इन्चार्ज मिलन गौतमले जानकारी दिए । सुर्तिजन्य पदार्थ नियन्त्रण र नियमन गर्न २०६८ सालमा बनेको ऐन अनुसार विद्यालयको दुईसय मिटर वरपरको क्षेत्रमा मदिरा र सुर्तिजन्य सामग्री बेचविखन गरे कारबाही हुने ब्यवस्था छ । तर विद्यालयकै सटर भाडामा लिएर ब्यापारीहरुले उक्त ऐनको खिलापमा मदिरा र सुर्तिजन्य पदार्थ बेचविखन गर्दै आइरहेका थिए ।

अनुगमनका लागि उपप्रमूख शार्मासँगै धुलिखेल नगरपालिकाका सामाजिक विकास शाखा सयोजक विष्णु धिताल, जिल्ला प्रशासन कार्यालयका प्रसाशकीय अधिकृत खगेन्द्र सुवेदी, जिल्ला प्रहरी कार्यालयका सहायक निरीक्षक हरि कृष्ण खड्का, नगरपालिकाका शिक्षा अधिकृत भोज कुमार ठकुरी विद्यालय पुगेका थिए । अनुगमन टोलीले दुई वटा विद्यालयबाट दुई बोरा मदिरा र सुर्तिजन्य पदार्थ निणन्त्रणमा लिएको छ ।

निणन्त्रणमा लिइएका मदिरा र सुर्तिजन्य पदार्थ नष्ट गरिने उपप्रमूख शार्माले खबर घरलाई बताइन् । ‘हामीले विद्यालयमा अनुगमन गरी मदिरा र सुर्तिजन्य पदार्थ नियन्त्रणमा लिएका हौँ, उनले भनिन, ऐन अनुसार बेचविखन नगर्न पसल सञ्चालकहरुलाई सचेत गराएका छौँ, अनुगमनलाई निरन्तरता दिन्छौँ , ऐनको बर्खिलापमा फेरी पनि बेचविखन भएको पाइएमा कानुन बमोजिम कारबाहि भोग्न जो पनि तयार हुनुपर्छ ।’

प्रकाशित मिति : २०७६, २३ मंसिर सोमबार  ८ : ०१ बजे

कोशी प्रदेशमा मुख्यमन्त्री कार्कीले पाए विश्वासको मत

काठमाडौं । कोशी प्रदेशका मुख्यमन्त्री हिक्मतकुमार कार्कीले प्रदेशसभाबाट सोमबार विश्वासको

आफ्ना छोराछोरीलाई सामुदायिक विद्यालयमा नपढाउने शिक्षकलाई कारबाही हुन्छ: नगरप्रमुख पोखरेल

सिन्धुली: कमलामाई नगरपालिकाका नगरप्रमुख उपेन्द्रकुमार पोखरेलले सरकारी तलवभत्ता खाएर आफ्ना

जंगलको डढेलो गाउँमा, ७० भन्दा धेरै घरगोठ जले

रुपन्देही: लुम्बिनी प्रदेशका पहाडी जिल्ला अर्घाखाँची, गुल्मी, पाल्पा, प्यूठानका वन

विराटनगरको रानीमा झडप: डिएसपीसहित ७ प्रहरी घाइते

विराटनगर: मोरङ प्रशासनले अर्को सूचना जारी नहुञ्जेल भेला, र्‍याली, सभा

काभ्रेमा अज्ञात समूहले काटिदियो बुद्धचित्तको बोट, तीन करोडमा लागेको थियो ठेक्का

काभ्रे । काभ्रेको रोशी–५ नागबेलीमा रहेको ठकुरानी तामाङको घरमा रहेको