Logo

मण्डनदेउपूरमा प्रथम मेयरकप भलिबल प्रतियोगिता हुँदै



काभ्रे, २९ असोज: मण्डनदेउपूर नगरपालिकामा पालिका स्तरिय प्रथम मेयरकप भलिबल प्रतियोगिता हुने भएको छ । शुभदीपावली तथा नेपाल संवतको अवसर पारेर आगामी कार्तिक ५ गते देखि ८ गते सम्म सो प्रतियोगिता हुन लागेको हो । प्रतियोगितामा काभ्रे जिल्लाका १३ वटै स्थानियतहहरुको सहभागिता रहने छ ।

प्रतियोगितामा जिल्लाका ६ वटा नगरपालिका र ७ वटा गाउँपालिका भित्रका टिमहरुलाई दर्ताका लागि आव्हान गरिएको छ । टिम दर्ता गर्ने अन्तिम मिती कार्तिक ४ गते सम्मको लागि तोकिएको छ । टिम दर्ताको लागि शुल्क ३ हजार राखिएको छ । यस प्रतियोगितामा १३ वटा स्थानियतहका जति पनि टिम दर्ता हुन पाइनेछ ।

प्रतियोगितामा प्रथम हुने टिमले ५५ हजार ५५५ , दोस्रो हुनेले ३३ हजार ३३३ तथा तेस्रो हुने टिमले २२ हजार २२२ नगद , प्रमाणपत्र तथा शिल्ड पुरस्कार पाउने आयोजकले जनाएको छ । काभ्रे जिल्ला पालिका स्तरिय प्रथम मेयरकप भलिबल प्रतियोगिता , मण्डनदेउपूर नगर कमिटीको आयोजनामा प्रतियोगिता हुन लागेको हो । खेल मण्डनदेउपूर नगरपालिका वडा नं. ७ मा हुनेछ ।

प्रतिक्रिया दिनुहोस्
error: Content is protected !!