हेटौंडा, २० भदौ : मकवानपुरको भीमफेदी गाउँपालिका वडा नम्बर ६ चिसापानीमा भएको टाटा सुमो पल्टिंदा मृत्यु हुनेको सख्या तीन पुगेको छ । घटनामा अन्य ८ जना घाईते भएका छन् । दुर्घटनामा एक जनाको घटना स्थलमानै मृत्यु भएको थियो भने अरु दुईजनाको अस्पतालमा मृत्यु भएको हो ।
मृत्यु हुनेमा महोतरी जिल्ला माईस्थान गाउँपालिका वडा नम्बर ६ वस्ने ७० बर्षीय बिरसिंह वाईवा, सर्लाही वरथवा नगरपालिका वडा नम्बर ३ वस्ने ६० बर्षीय महेन्द्र सहनी र सर्लाहीका एजना दश महिने शिसु समरागी माझीको मृत्यु भएको जिल्ला प्रहरी कार्यालय मकवापनुरका प्रहरी उपरिक्षक मुकेश कुमार सिंहले जानकारी दिएका छन् ।
हेटौंडा –काठमाण्डौ छोटो दुरीको मार्ग अन्तर्गत सर्लाहीबाट काठमाण्डौँ जाँदै गरेको सर्लाही सुमो सेवाको ना १ ज ३६४० नंबरको सुमो दुर्घटनामा परेको थियो । मकवानपुरको भीमफेदी गाउँपालिका वडा नम्बर ६ चिसापानीबाट सुमो ५० मिटर तल झर्दा दुर्घटना भएको प्रतक्षदर्शीले बताएका छन् । घाईतेहरुको हेटौंडा अस्पताल र चुरेहिल अस्पतालमा उपचार भइरहेको प्रहरीले जनाएको छ ।
प्रतिक्रिया