२०८०, २० फाल्गुन आईतबार

तुलसीपुरमा युरिया मल अभाव

तुलसीपुरमा युरिया मल अभाव


तुलसीपुर, १० माघ : जिल्लामा रासायनिक युरिया मलको अभाव भएको छ । गहुँमा मल हाल्ने मौसमका बेलामा दाङमा कृषकले युरिया मल पाएका छैनन् । कृषि सामग्री कम्पनी लिमिटेडले उपलब्ध गराउँदै आएको मल जिल्लामा एक महीनादेखि अभाव रहेको हो ।

लिमिटेड तुलसीपुर शाखाका प्रमुख तीर्थ न्यौपानेले जिल्लामा एक महीनादेखि मलको अभाव रहेको जानकारी दिनुभयो । तुलसीपुर, घोराही, देउखुरी गरी जिल्लामा सात सय टन मल आवश्यक पर्ने उहाँको भनाइ थियो । बुटवलदेखि पश्चिमका कुनै पनि जिल्लामा उक्त मल नभएको बताइएको छ । “जिल्लामा क्षेत्रीय कृषि सामाग्री कम्पनी लिमिटेड भैरहवाबाट मल आउने गरे पनि भैरहवामा पनि मल नभएको र मल कहिले आउने भन्ने यकिन हुन सकेको छैन”, प्रमुख न्यौपानेले भन्नुभयो ।

“खेतमा गहुँ पहेँलै भएको छ, गहुँमा अव रासायनिक मल युरिया हाल्नुपर्नेछ, प्रकृतिले भने किसानलाई राहत दिएको छ तर युरिया छैन”, किसान प्रकाश खड्काले भन्नुभयो । किसान भने गहुँखेतीका लागि युरिया मल खोज्न भौतारिएका छन् । “पानी परेको थियो, यस वर्ष गहुँमा पानी सिँचाइ गर्नुपर्ने समस्या टरेको थियो तर रासायनिक युरिया मल बजारभरि छैन”, अर्का किसान राजु चौधरीले भन्नुभयो ।

हिउँदे खेती गहुँमा मल हाल्ने मौसममा मल नपाउँदा किसान उत्पादन घट्ने चिन्तामा छन् । किसानका लागि आवश्यकताअनुसारको मल उपलब्ध गराउन आफूहरु लागे पनि नेपालमा भारतको कोलकाताबाट मल नआएकाले समस्या भएको कृषि सामग्री कम्पनी लिमिटेडका प्रमुख न्यौपानेले बताउनुभयो । जिल्लामा डिएपी मल भने प्राप्त भएको बताइएको छ ।
-रासस

प्रकाशित मिति : २०७५, १० माघ बिहीबार  ८ : ५३ बजे

पर्यटनमन्त्री किराती सस्तो लोकप्रियताका पछि भागे : सांसद खतिवडा

काठमाडौं । नेपाली कांग्रेसका सांसद रामहरि खतिवडाले पर्यटनमन्त्री सुदन किराती

मिटर ब्याजपीडितसँग वार्ता गर्न सरकारले बनायो सहसचिव नेतृत्वमा टोली

काठमाडौं । सरकारले काठमाडौंमा आन्दोलनरत मिटर ब्याजपीडितहरूलाई वार्तामा बोलाएको छ

आठ महिने शिशुको हत्या गरेको आरोपमा एकजना पक्राउ

काठमाडौं । झापामा आठ महिने शिशुको हत्या गरेको आरोपमा एकजना

दोलखामा घाइते अवस्थामा भेटिएका युवकको मृत्यु, ४ जना पक्राउ

काठमाडौं । दोलखामा मध्यराति घाइते भेटिएका एक जना युवकको उपचारको

आज विश्व रेडियो दिवस : विभिन्न कार्यक्रम गरी मनाइँदै

काठमाण्डौ । आज विश्व रेडियो दिवस, नेपालमा पनि विभिन्न कार्यक्रम