Logo

शैक्षिक विकासमार्फत राष्ट्रको उन्नति हुन्छ : राष्ट्रपति भण्डारी



विराटनगर, १९ पुस : राष्ट्रपति विद्यादेवी भण्डारीले शिक्षाको विकासबाट नै राष्ट्रको उन्नति हुने बताउनुभएको छ । राष्ट्रपति भण्डारीलाई स्वागत तथा अभिनन्दका लागि महेन्द्र मोरङ आदर्श बहुमुखी क्याम्पस विराटनगरले आज आयोजना गरेको कार्यक्रममा उहाँले चेतना र लोकतन्त्रको सम्वाहक महेन्द्र मोरङ क्याम्पसको भूमिका अग्रणी छ भन्नुभयो ।

राष्ट्रपति भण्डारीले विगतमा आफू यस क्याम्पसमा अध्ययन गरेको स्मरण गर्दै मुलुकमा भएको राजनीतिक परिवर्तनपछि समृद्धिको बाटोमा हिँडिरहेको अवस्थामा शैक्षिक संस्थाले सोहीअनुसारका पाठ्यक्रम र जनशक्ति उत्पादन गर्नुपर्नेमा जोड दिनुभयो । उहाँले मुलुकमा भएको अपार सम्पदाको उपयोगका लागि आवश्यक रणनीति बन्नुपर्छ भन्दै चरित्रवान, लगनशील र देशभक्तिको भावना बोक्ने जनशक्तिले राष्ट्र समृद्ध हुने धारणा राख्नुभयो ।

प्राज्ञिक संस्थाले शिक्षाको विकास र सुदृढीकरणमा प्रयत्नशील रहनुपर्छ भन्दै राष्ट्रपति भण्डारीले शैक्षिक चेतना र जागरणमा यो क्याम्पसले खेलेको भूमिकाको सराहना गर्नुभयो । प्रदेश नं १ का प्रदेश प्रमुख प्रा डा गोविन्दबहादुर तुम्वाहाङले विगतमा विश्वविद्यालय निर्माण गर्न तत्पर यो क्याम्पसले शिक्षा क्षेत्रमा निकै योगदान पु¥याएको छ भन्नुभयो । मुख्यमन्त्री शेरधन राईले धेरै पूरानो इतिहास बोकेको यो क्याम्पस उच्च र दक्ष जनशक्ति उत्पादन गर्ने केन्द्रको रुपमा विकास गर्नुपर्नेमा जोड दिनुभयो ।

शिक्षा, विज्ञान तथा प्रविधिमन्त्री एवं सहकुलपति गिरिराजमणि पोखरले पूर्वक्षेत्रको शैक्षिक विकास, विस्तार एवं बौद्धिक विकासमा यो क्याम्पसले खेलेको भूमिकाको चर्चा गर्दै अबको शिक्षा पूरानो ढङ्गबाट नचल्ने धारणा राख्नुभयो । क्याम्पस प्रमुख प्रा बाबुराम तिमल्सिनाका अनुसार क्याम्पसमा हाल तीन हजार ५०० विद्यार्थी अध्ययनरत छन् । उहाँले क्याम्पसको जीर्णोद्धार गर्न रु ५० करोड आवश्यक पर्ने बताउनुभयो । सो अवसरमा क्याम्पस प्रमुख तिमल्सिनाले राष्ट्रपति भण्डारीलाई अभिनन्दनपत्रद्वारा सम्मान गर्नुभयो ।
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार