युग सुहाउँदो शिक्षाको विकास गर्नुपर्छ : राष्ट्रपति
विराटनगर, १९ पुस : राष्ट्रपति विद्यादेवी भण्डारीले पूर्वाञ्चल विश्वविद्यालयले युग सुहाउँदो शिक्षाको विकास गर्नुपर्ने बताउनुभएको छ । पूर्वाञ्चल विश्वविद्यालयको २५औँ वार्षिकोत्सव एवं रजत महोत्सवको आज समुद्घाटन गर्दै उहाँले मुलुकलाई अहिले चाहिने दक्षजनशक्तिअनुसारको शिक्षा दिन विश्वविद्यालयले पाठ्यक्रममा सुधार गर्नुपर्ने बताउनुभयो ।
राष्ट्रपति भण्डारीले ज्ञान र विज्ञानको केन्द्र रहेको विश्वविद्यालयले यहाँको उद्योग, कृषि र पर्यटन क्षेत्रमा आवश्यक पर्ने जनशक्ति उत्पादन गर्न आफ्ना मापदण्ड, योजना र नीति बनाउन सुझाव दिँदै सम्भाव्यता उपयोग गर्न विश्वविद्यालयले शिक्षामा परिमार्जन गर्नुपर्ने बताउनुभयो । उहाँले अहिलेको अवसरलाई पूर्णरुपमा सदुपयोग गर्नसके देश र जनताका कल्याण हुने भन्दै पूर्वाञ्चल विश्वविद्यालयको भौतिक र शैक्षिक विकासमा योगदान पु¥याउने सबैलाई धन्यवाद दिनुभयो ।
प्रदेश नं १ का मुख्यमन्त्री शेरधन राईले पूर्वाञ्चल विश्वविद्यालयसँग प्रर्याप्त पूर्वाधर भएको धनी संस्था हो भन्दै नेपाललाई चाहिने जनशक्ति उत्पादन गर्न विश्वविद्यालयको प्रयत्न निरन्तर अघि बढ्नुपर्छ भन्नुभयो । शिक्षा, विज्ञान तथा प्रविधि एवं पूर्वाञ्चल विश्वविद्यालयका सहकुलपति गिरिराजमणि पोखरेले मुलु्कमा आर्थिक उन्नतिले मात्र नेपाली जनतामा खुशी र सुखी ल्याउन नसक्ने भन्दै ‘समृद्ध नेपाल र सुखी नेपाली’ को सङ्कल्प पूरा गर्न शिक्षाको विकास हुनुपर्नेमा जोडभयो । उहाँले दक्षजनशक्ति कसरी उत्पादन गर्न सकिन्छ त्यसतर्फ ध्यान केन्द्रित गर्नुपर्ने भन्दै शिक्षालाई सीप, सीपलाई श्रम र श्रमलाई समृिद्धसँग जोड्न विश्वविद्यालयले सोच्नुपर्ने समय आएको बताउनुभयो ।
विश्वविद्यालयका उपकुलपति प्रा डा घनश्यामलाल दास र रजिष्ट्रार प्रर्मिला थापाले विश्वविद्यायलयको गतिविधि तथा अगामी दिनमा सञ्चालन गर्ने शिक्षाका बारेमा चर्चा गर्नुभएको थियो । कार्यक्रममा विश्वविद्यालयमा सहयोग पु¥याउने प्रथम सेवा आयोगका अध्यक्ष प्राध्यापक कृष्ण पोखरेल, प्रथम उपकुलपति स्व धु्रवनारायणलाई मरणोपरान्त, पूर्वउपकुपति तोरणबहादुर कार्की र विराटनगर नगरपालिकाका तत्कालीन प्रमुख अशोक कोइरालालाई सम्मान गरिएको थियो । उपकुलपति प्रा डा दासले राष्ट्रपति भण्डारीलाई अभिनन्दनपत्रद्वारा सम्मान गर्नुभयो भने राष्ट्रपति भण्डारीले रजतस्तम्भको अनावरण गर्नुभयो । -रासस
