२०८०, २० फाल्गुन आईतबार

काठमाडौंका सडकमा भिख माग्न प्रतिबन्ध

काठमाडौंका सडकमा भिख माग्न प्रतिबन्ध


काठमाडौँ, पुस १९ : काठमाडौंका सडकपेटीमा बढ्दै गएका बेवारिसे वृद्धवृद्धा तथा भिख माग्नेलाई सरकारले व्यवस्थापन गर्ने भएको छ । प्रहरीले बेवारिसे वृद्धवृद्धालाई वृद्धाश्रममा पु-याउने तथा भिख माग्नेलाई कारबाही गर्ने योजना बनाएको हो । महानगरीय प्रहरी परिसरका अनुसार पक्राउ गरिएका वृद्धवृद्धालाई वृद्धाश्रममा राखिनेछ । भिखारीको हकमा भने स्वदेशी र विदेशी छुट्याई कानुनअनुसार कारबाही गरिनेछ । यो समाचार आजको नयाँ पत्रिका दैनिकमा छ ।

काठमाडौं परिसर प्रमुख एसएसपी वसन्त लामाले बेवारिसे वृद्धवृद्धालाई कालिमाटीस्थित आमाघर र गोंगबुको हिमालयन आश्रममा राखिने बताए । ‘सडकपेटीमा बेवारिसे अवस्थामा रहेका वृद्धवृद्धाको दैनिकजसो शव भेटियो । जाडोले उनीहरूको मृत्यु भएको देखियो । उनीहरूलाई वृद्धाश्रममा राख्न लागिएको हो,’ लामाले भने । उनका अनुसार भिखारीको हकमा भने कानुनअनुसार कारबाही चलाइनेछ । स्वदेशीलाई पक्राउ गरी सम्बन्धित व्यक्तिको जिम्मा लगाइने, अटेर गर्नेलाई कानुनअनुसार कारबाही गरिने लामाले बताए । विदेशीलाई भने पक्राउ गरी सम्बन्धित मुलुकको बोर्डरमा लगेर छाडिने उनको भनाइ छ ।

कति छन् बेवारिसे वृद्धवृद्धा र भिखारी ?
महानगरीय प्रहरी परिसरका अनुसार काठमाडौंमा अहिले झन्डै दुई सयको हाराहारीमा बेवारिसे वृद्धवृद्धा छन् । त्यसमध्ये एक सय ८८ को पहिचान भइसकेको छ । पहिलो चरणमा प्रहरीले सात वृद्धवृद्धालाई पक्राउ गरी आश्रममा लगिसकेको छ । उनीहरूका लागि आवश्यक खाद्यसामग्री, लत्ताकपडा, साबुन, ब्रसलगायतका आवश्यकीय सामग्री लायन्स क्लबको सहकार्यमा व्यवस्थापन भइसकेको छ ।

‘वृद्धवृद्धाको रोजीरोटीका लागि सबै व्यवस्था भइसकेको छ । महिना दिनसम्म पुग्ने रासन र आवश्यक सामग्री तयार छ । सम्बन्धित आश्रमलाई केही दिनमै हस्तान्तरण गर्छौं,’ परिसरका प्रवक्ता डिएसपी होविन्द्र बोगटीले भने । प्रहरीले भिखारीको तथ्यांक पनि संकलन गर्न सुरु गरेको छ । काठमाडौंमा स्वदेशी र विदेशी गरी दुई सयकै हाराहारीमा भिखारी रहेको अनुमान छ । भिखारीलाई भने व्यवस्थापन नभएर कारबाही नै हुने बोगटीले बताए ।

सडक बालबालिकालाई पनि उठाइने
वृद्धवृद्धा र भिखारीपछि बेवारिसे अवस्थाका सडक बालबालिकलाई पनि सडकपेटीबाट उठाउने प्रहरी योजना छ । उनीहरूको तथ्यांक संकलन सुरु गरिसकेको छ । ठेगाना पत्ता लगाई उनीहरूलाई अभिभावकको जिम्मा लगाउने र पहिचान नहुनेको हकमा भने आश्रमलाई जिम्मा दिइने प्रहरीले बतायो ।

‘वृद्धवृद्धा र भिखारीपछि बेवारिसे अवस्थाका सडक बालबालिकालाई पनि पुनस्र्थापना गरिनेछ । ठेगाना पत्ता लगाएर अभिभावकको जिम्मा लगाइनेछ । ठेगाना नभएकालाई भने आश्रममा राखिनेछ,’ डिएसपी बोगटीले भने, ‘उनीहरूको रोजीरोटी र शिक्षादीक्षाका लागि आवश्यक सम्पूर्ण व्यवस्था मिलाइनेछ ।’

प्रकाशित मिति : २०७५, १९ पुस बिहीबार  ७ : १९ बजे

पर्यटनमन्त्री किराती सस्तो लोकप्रियताका पछि भागे : सांसद खतिवडा

काठमाडौं । नेपाली कांग्रेसका सांसद रामहरि खतिवडाले पर्यटनमन्त्री सुदन किराती

मिटर ब्याजपीडितसँग वार्ता गर्न सरकारले बनायो सहसचिव नेतृत्वमा टोली

काठमाडौं । सरकारले काठमाडौंमा आन्दोलनरत मिटर ब्याजपीडितहरूलाई वार्तामा बोलाएको छ

आठ महिने शिशुको हत्या गरेको आरोपमा एकजना पक्राउ

काठमाडौं । झापामा आठ महिने शिशुको हत्या गरेको आरोपमा एकजना

दोलखामा घाइते अवस्थामा भेटिएका युवकको मृत्यु, ४ जना पक्राउ

काठमाडौं । दोलखामा मध्यराति घाइते भेटिएका एक जना युवकको उपचारको

आज विश्व रेडियो दिवस : विभिन्न कार्यक्रम गरी मनाइँदै

काठमाण्डौ । आज विश्व रेडियो दिवस, नेपालमा पनि विभिन्न कार्यक्रम