मंगलबार गणेश भगवानको पुजा गर्नुहोस्, तर केही कार्यका लागि मंगलबार अशुभ
भनिन्छ, मानिसहरुको लागि मंगलबार बिशेष दिन हो । नयाँ काम थाल्न होस् वा यात्राका लागि मंशलबार बिशेष मानिन्छ । त्यसैले त् बैदिक ज्योतिषशास्त्रमा मंगलबारको महत्व ठूलो छ । तथापी सोमबार, बुधवार र शुक्रवारलाई सोम्यबारको श्रेणीमा राखिएको छ भने आइतबार र बिहीबारलाई कडाबारको श्रेणीमा राखिएको छ । मंगलबार तथा शनिबार क्रुर अर्थात पापी बारको श्रेणीमा पर्छन् ।
मंगलबारलाई अत्याधिक क्रुरबार मान्दै शास्त्रमा यसलाई शरीरमा रक्त सञ्चार गराउने धमनीसँग सम्बन्धित मानिएको छ । मानिसको शरीरमा हुने रातो पदार्थ मंगलसँग सम्बन्धित मानिन्छ ।कालपुरुष सिद्दान्त अनुसार प्राणीको हाड र रक्त तथा मज्जा मंगलसँग सम्बन्धित छ ।
धर्म शास्त्रका अनुसार मंगलबारको दिन निम्न कामहरु गर्न नहुने उल्लेख छ ।
– मंगलबारको दिनमा पशु बलि दिनु अत्यन्तै खराव मानिन्छ । यसले सन्तानमा नकारात्मक प्रभाव पर्ने हुन्छ ।
– मंगलबार कुखुरा वा अन्य पंक्षीको हत्या गर्दा मानिसको बुद्धी भ्रमित हुने मानिन्छ ।
– मंगलबारको दिन माछा खाँदा तपाइँलाई आर्थिक नोक्सानी हुने मानिन्छ । मंगलबार मासु पनि सेवन गर्नु हुँदैन । मासु खाँदा कुटुम्बको क्षय हुन्छ ।
– मंगलबारको दिन मदिरा सेवन गर्दा तपाइँको क्रोधमा वृद्धी हुन्छ । यसले अपराध समेत बढाउँछ ।
– मंगलबार झगडा गर्दा बेइज्जत हुने खतरा हुन्छ ।
