२०८०, १६ चैत्र शुक्रबार

मुलुकको समृद्धिका लागि औद्योगिकीकरणमा जोड दिनुपर्छः मुख्यमन्त्री पोखरेल

मुलुकको समृद्धिका लागि औद्योगिकीकरणमा जोड दिनुपर्छः मुख्यमन्त्री पोखरेल


बुटवल, १५ मङ्सिर : प्रदेश नं ५ का मुख्यमन्त्री शङ्कर पोखरेलले बद्लिँदो परिस्थितिअनुसार प्रविधिको उपयोग र परम्परागत प्रणालीको विस्थापन आजका उद्योगको समस्या भएको बताउनुभएको छ । रुपन्देही उद्योग सङ्घको ४१ औँ स्थापना दिवसका अवसरमा आज यहाँ आयोजित कार्यक्रमको उद्घाटन गर्दै उहाँले ट्रेडको विजनेशलाई कम गर्दै उत्पादनमूलक उद्योगको विकास र व्यवसायको जर्गेना गर्न नसक्दासम्म देशको आर्थिक विकास तथा औद्योगिकीकरण हुन नसक्ने बताउनुभयो ।

मुख्यमन्त्री पोखरेलले औद्योगिक विकासका लागि औद्योगिक क्षेत्रको स्थापना र यसको संरक्षण कसरी गर्न सकिन्छ भनेर प्रदेश सरकारले गम्भीरतापूर्वक अध्ययन गरिरहेको उल्लेख गर्दै प्रदेश सरकारको जिम्मामा नआउने औद्योगिक क्षेत्रका बारेमा कुनै काम गर्न नसक्ने बताउनुभयो । उद्योग स्थापनाका लागि भू–स्वामित्व तथा भूमिको वर्गीकरणका विषयमा रहेको अन्योलता नहट्दासम्म समस्या रहिरहने बताउँदै उहाँले सामूहिकताको भावना विकास गर्न उद्योगीलाई आग्रह गर्नुभयो ।

मुख्यमन्त्री पोखरेलले जमीनमा बढेको अस्वभाविक मूल्यवृद्धिले नयाँ उद्योग स्थापना हुन अप्ठ्यारो भएको चर्चा गर्दै प्रदेश सरकार उद्योगीका सबै समस्या समाधान गर्ने गरी उद्योगमैत्री कानून निर्माणमा लागेको जानकारी दिनुभयो । औद्योगिक सरोकारका विषयमा छलफल गरी नीति र कानून निर्माणका लागि सुझाव दिन उद्योगी व्यवसायीलाई आग्रह गर्दै उहाँले संविधान निर्माण र तीन तहको चुनावपछि राजनीतिक सङ्क्रमण अन्त्य भए पनि शासन प्रणालीमा भएको परिवर्तनको सङ्क्रमणको व्यवस्थापन गर्ने काम भइरहेकोले सरकारको कामको नतिजाका लागि अहिल्यै हतार गर्न नहुने धारणा व्यक्त गर्नुभयो ।

उद्योग, पर्यटन, वन तथा वातावरणमन्त्री लीला गिरीले उद्योगको स्थापना विस्तृत अध्ययन र दीर्घकालीन प्रभाव मूल्याङ्कन विनाअनुमति दिएका कारण हाल सञ्चालनमा रहेका उद्योग स्थानान्तरणको समस्या झेल्न बाध्य भएको बताउनुभयो । विस्तृत अध्ययन र दीर्घकालीन प्रभाव मूल्याङ्कन गरेर मात्रै त्यस्तो अनुमति दिनुपर्नेमा जोड दिदैं उहाँले करको दायरामा आएर सरकारलाई सहयोग गर्न उद्योगीलाई आग्रह गर्नुभयो । नेपाल उद्योग परिसङ्घका प्रदेश नं ५ संयोजक एजाज आलमले उद्योगी व्यवसायी फाइल बोकेर अहिले पनि सङ्घीय राजधानी धाउनुपरेको बताउँदै यसप्रति प्रदेश सरकारको ध्यानाकर्षण गराउनुभयो । सङ्घका अध्यक्ष गणेशप्रसाद अधिकारीको अध्यक्षतामा कार्यक्रम सम्पन्न भयो ।

कार्यक्रममा मुख्यमन्त्री पोखरेलले नेपाल पत्रकार महासङ्घ रुपन्देहीसँगको सहकार्यमा रुपन्देही उद्योग सङ्घले स्थापना गरेको उत्कृष्ट औद्योगिक पत्रकारिता पुरस्कार–२०७४ बाट पत्रकार तेजेन्द्र केसीलाई सम्मान गर्नुभयो । पुरस्कारको राशि रु ३५ हजार ५५५ छ । यो पुरस्कार प्रत्येक वर्ष औद्योगिक क्षेत्रसँग सम्बन्धित समाचार लेख्ने एक जना पत्रकारलाई रुपन्देही उद्योग सङ्घको स्थापना दिवसका अवसरमा प्रदान गरिँदै आएको छ । त्यसैगरी विधागतरुपमा उत्कृष्ट रहेका एक दर्जन उद्योगीलाई पनि सो अवसरमा सम्मान गरिएको थियो ।
-रासस

प्रकाशित मिति : २०७५, १५ मंसिर शनिबार  ७ : ०१ बजे

बागमती र कोशी प्रदेशमा विहानैदेखि मेघगर्जन र चट्याङ्गसहित हल्का वर्षा

काठमाडौं । हाल नेपालमा पश्चिमी वायु तथा स्थानीय वायुको प्रभाव

अपाङ्गता भएकाहरुको माग संवोधनका लागि कार्यदल गठन गर्न मन्त्री चौधरीको निर्देशन

काठमाडौं । अपाङ्गता भएका व्यक्तिहरुको हक अधिकारका लागि आवश्यक नीति,

राज्य व्यवस्था तथा सुशासन समितिले गृहमन्त्री लामिछानेलाई बोलायो

काठमाडौँ । प्रतिनिधि सभाको राज्य व्यवस्था तथा सुशासन समितिले बुधबारको

एमाले पार्टी कार्यालयमा होलीको रौनक, यसरी मनाए नेताहरुले होली (तस्बिर)

काठमाडौं । नेकपा एमालेका अध्यक्ष केपी शर्मा ओलीसहितका शीर्ष नेताहरुले

आज पनि पाँच प्रदेशमा पानी पर्ने, केहि स्थानमा हल्का हिमपातको सम्भावना

काठमाडौं । हाल नेपालमा पश्चिमी न्यून चापीय प्रणाली र स्थानीय