Logo

सकिमना पुन्ही मनाउँदै नेवार समुदाय



भादगाउँ, ७ मङ्सिर : नेवार समुदायले आज सकिमना पुन्ही (पिँडालु उसिन्ने पूर्णिमा) धुमधामले मनाउँदैछन् । नेवार समुदायमा विशेषगरी आजको दिन सकी अर्थात् पिँडालु उसिनेर खाने प्रचलन छ । कार्तिक शुक्ल पूर्णिमाको अवसर पारेर नेवार समुदायले ऋतुअनुसारको कृषि उत्पादन इष्ट देवलाई चढाएर मात्र खाने प्रचलन छ । इतिहास तथा संस्कृतिविद् पुरुषोत्तमलोचन श्रेष्ठका अनुसार पिँडालु, सख्खरखण्डलगायतका कन्दमूल उसिनेर आफ्ना इष्टदेवलाई चढाएर खाने प्रचलन नेवार समुदायमा रहेको छ । यसले शरीरमा ताकत उत्पन्न हुने र शरीर स्वस्थ हुने जनविश्वास रहेको छ ।

यसै अवसरमा आज भक्तपुरको यातु महादेव, आशापुरेश्वर (आशापुरी) महादेव, डोलेश्वर महादेव, सुवर्णेश्वर महादेव मन्दिरलगायत चाँगुनारायण, वाखुपति र तीलमाधव नारायण मन्दिरमा विशेष मेला लागेको छ । सकिमाना पुन्हीका दिन महादेवको पूजा आराधना र दर्शन गरी व्रत बस्नाले पुण्य प्राप्त हुनुका साथै राम्रो वर पाउने धार्मिक विश्वास छ ।

एक महीने दाफा भजनकीर्तन आजै सम्पन्न गर्ने प्रचलन पनि नेवार समुदायमा छ । कोजाग्रत पूर्णिमाको दिनदेखि नेवार समुदायले आआफ्नो टोलमा रहेको गणेश, महादेवलगायतका देवीदेवताको मन्दिरमा प्रत्येक साँझ भजनकीर्तन गाउन शुरु गर्दछन् । सो भजनकीर्तन आज समापन गर्छ ।सो भजन मण्डलीले मन्दिर अगाडि उसिनेको सखरखण्ड, पिँडालु तथा भुटेका मकै, भटमास र गहँुलगायतका गेँडागुडीले विभिन्न देवीदेवता तथा मन्दिरको कलात्मक आकृति बनाउने गर्दछ । अन्तमा त्यसैलाई प्रसादका रुपमा ग्रहण गर्ने गर्छ ।
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार