२०८०, १० फाल्गुन बिहीबार

दाङमा तीस प्रतिशत घर भूकम्प प्रतिरोधात्मक

दाङमा तीस प्रतिशत घर भूकम्प प्रतिरोधात्मक


दाङ, ७ मङसिर : तुलसीपुर उपमहानगरपालिकाले भवन निर्माण आचारसंहितालाई कार्यान्वयनमा कडाइ गर्ने जनाएको छ । अहिले भवन निर्माण आचारसंहिता कार्यान्वयन नगर्ने घरधनीलाई उपमहानगरपालिकाले बिजुली बत्तीको र खानेपानीको सिफारिस नदिनेदेखि घर नक्सापास समेत रोक्का गरिदिने गरेको उपमहानगरपालिकाका इञ्जिनियर पवनकुमार योगीले बताउनुभयो ।

साविकको नगरपालिका हुँदा नै उपमहानगरपालिकाका धेरै घर नक्सापास नै नभई आफूखुशी निर्माण भएका थिए । विनाशकारी भूकम्प आउनुअघि नै साविकको नगरपालिकाले २०७१ साउन १ गतेदेखि भवन निर्माण आचारसंहिता निर्देशिका जारी गरी कार्यान्वयन गरेको थियो । तर अहिलेसम्म उपमहानगरपालिकाभित्र रहेका पक्की घरमध्ये झण्डै ३० प्रतिशत घर मात्र भूकम्प प्रतिरोधात्मक रहेको इञ्जिनीयर योगीले जानकारी दिनुभयो । “तुलसीपुरमा पुरानो संरचना धेरै छन, पछि निर्माण गरिएका भवनमा निर्माण सामग्री राम्रो प्रयोग भएपनि घर बनाउने तरिका नजानेका कारण भवन भूकम्प प्रतिरोधात्मक छैनन्”, उहाँले भन्नुभयो ।

हाल उपमहानगरपालिकाभित्र ३१ हजार घरधुरी रहेका छन् । ती मध्ये कम्तीमा छ हजार घर पक्की र अन्य कच्ची रहेको नगरपालिकाका सुचना अधिकारी झरेन्द्र खरेलले जानकारी दिनुभयो । छ हजार घरमा कम्तीमा पनि ३० प्रतिशत घरमात्र भुकम्पप्रतिरोधात्मक रहेको उपमहानगरपालिकाले जनाएको छ । “पछिल्ला समयमा निर्माण हुने घरहरुले आचारसंहिता पालना गरेका छन् तर केही वर्ष पहिलेका घर र हाल उपमहानगरपालिका भइसकेपछि थपिएका साविकका गाविसमा निर्माण भएका केही पक्की घरले नक्सा पास नगरी निर्माण गरेका छन्”, खरेलले भन्नुभयो ।

उपमहानरपालिकाका प्रमुख प्रशासकीय अधिकृत आनन्द सारुले उपमहानगरपालिकाले भवन निर्माण आचारसंहिता कार्यान्वयनलाई अक्षरशः पालना गर्न आम नागरिकलाई अनुरोध गरिएको बताउनुभयो । उहाँले आफूखुशी मापदण्ड नपु¥याई घर निर्माण गर्दा भूकम्पीय जोखिम बढ्नसक्ने, जीउज्यानको सुरक्षामा खतरा बढ्ने र आर्थिक लगानी पनि त्यसै खेर जाने गरेको भन्दै सबै खतराबाट आम नागरिकलाई बचाउने उद्देश्यले भवन निर्माण आचारसंहितालाई कडाइ गर्ने योजना ल्याइएको जानकारी दिनुभयो ।

उहाँले अब केही दिनभित्रै उपमहानगरपालिका भित्रका घरको अभिलेखीकरण गर्ने तयारी भएको बताउनुभयो । त्यसबाट एउटा निश्चित् तथ्याङ्क आउने र ती घरलाई के कसरी सुरक्षित गराउने भन्ने बारेमा उपयाय खोजिने उहाँको भनाइ छ । आचारसंहिता कडाइका साथ लागू गर्न उपमहानगरनगरपालिकाले बर्सेनि यहाँका विभिन्न दलका प्रतिनिधि, उद्योगी व्यवसायी, नगरवासीसँग छलफलसमेत गरिरहेको छ । त्यसैगरी उपमहानगरपालिकाले यस क्षेत्रका निर्माणकर्मी तथा डकर्मी व्यवसायीलाई पनि पटक/पटक भूकम्प प्रतिरोधात्मक भवन निर्माणका लागि तालीम दिँदै आएको छ । -रासस

प्रकाशित मिति : २०७५, ७ मंसिर शुक्रबार  ५ : २५ बजे

आठ महिने शिशुको हत्या गरेको आरोपमा एकजना पक्राउ

काठमाडौं । झापामा आठ महिने शिशुको हत्या गरेको आरोपमा एकजना

दोलखामा घाइते अवस्थामा भेटिएका युवकको मृत्यु, ४ जना पक्राउ

काठमाडौं । दोलखामा मध्यराति घाइते भेटिएका एक जना युवकको उपचारको

आज विश्व रेडियो दिवस : विभिन्न कार्यक्रम गरी मनाइँदै

काठमाण्डौ । आज विश्व रेडियो दिवस, नेपालमा पनि विभिन्न कार्यक्रम

काभ्रेका रक्तदाता अर्जुन मैनालीले फेसबुकमा स्टाटस लेखेर अमेरिकामा गरे आत्मदाह

काठमाडौं । दुई सय पटकभन्दा बढी रक्तदान गरेका अर्जुन मैनालीले

संघ र प्रदेशमा मन्त्रालयको संख्या घटाउनु पर्छ : एमाले उपमहासचिव गुरुङ

काठमाडौं । नेकपा एमालेका उपमहासचिव पृथ्वीसुब्बा गुरुङले संघ र प्रदेश