Logo

सुन सिरानी हालेर नून खोज्ने कर्णालीवासी विकटका बासिन्दा हुँदैनन् :उपप्रम पोखरेल



त्रिपुरासुन्दरी, ४ मङ्सिर: भूगोलका हिसाबले मुलुककै ठूलो डोल्पा जिल्ला राष्ट्रिय सडक सञ्जालमा जोडिएको औपचारिक घोषणा गरिएको छ । उपप्रधानमन्त्री ईश्वर पोखरेलले डोल्पाको त्रिपुरासुन्दरी नगरपालिका– १ छलगाड दोभानमा आज आयोजित समारोहमा नेपाली सेनाले खनेको जाजरकोट– दुनै सडक मार्गको उद्घाटन गर्नुभएसँगै सदरमुकाम दुनै राष्ट्रिय सडक सञ्जालमा समेटिएको औपचारिक घोषणा गरिएको हो ।

एक सय १८ किलोमिटरको उक्त सडक जाजरकोटको पासागाढदेखि डोल्पाको त्रिपुरासुन्दरी–सुपानीसम्म १०३ किलोमिटर नेपाली सेनाले तथा सुपानीदेखि सदरमुकाम दुनैसम्म १४ किमी स्थानीय निकाय र सांसद विकास कोषमार्फत निर्माण गरिएको हो । दुनैसँग सडक सञ्जाल जोडिएसँगै हुम्लाबाहेक मुलुकका ७६ वटै जिल्ला सदरमुकाममा मोटरबाटाको पहुँच पुगेको छ ।

छिमेकी मुलुक चीन र भारतलाई मरिम्ला र रुपेडिया नाकाबीच सीधा सडक सम्पर्क जोड्न योगदान दिने सामरिक महत्वको उक्त राजमार्ग निर्माणले प्राकृतिक विविधताले भरिपूर्ण कर्णाली क्षेत्रको विकासमा कायपलट ल्याउने विश्वास गरिएको छ । जाजरकोट, रुकुम र डोल्पा समेट्ने उक्त राजमार्ग पहाडी ‘फिडर रोड’को अवधारणानुरुप निर्माण भएको सडक निर्माण कार्यदलका प्रमुख प्रमुख सेनानी विश्वबन्धु पहाडीले जानकारी दिनुभयो ।

उक्त सडक निर्माणसँगै त्यस क्षेत्रमा उत्पादन हुने बहुमूल्य जडीबुटीलगायत चिजवस्तु बिक्रीवितरणका लागि आवश्यक बजार पाउने हुँदा स्थानीयवासीको जीवनस्तर सुधार ल्याउन योगदान पुग्नेछ । केही समयपछि नै उक्त सडक नेपाली सेनाले सरकारलाई हस्तान्तरण गर्ने कार्यक्रम राखेकामा स्थानीय जनताले उपप्रधानमन्त्री पोखरेलसमक्ष सडक थप विस्तार र सुधारको जिम्मा नेपाली सेनालाई नै दिन आग्रह गरे ।

रिम्ना, मनमाइतहरा, तल्लो बजार, गोतामकोट, घाडथला, त्रिवेणी, खदाङ, श्रीविन्देजस्ता बस्ती हँुदै भेरी नदीको तीरैतीर दर्जनाँै अक्कर र भीर पहरा छिचोलेर उक्त सडक दुनै पुगेको छ । डोल्पामा सडकको पहुँच पुगेसँगै शे–फोक्सुण्डो ताल र त्यस क्षेत्रको राष्ट्रिय निकुन्ज क्षेत्रमा पर्यटन प्रवद्र्धनमा ठूलो योगदान पुग्नेछ ।

उक्त सडकको उद्घाटन गर्दै रक्षामन्त्री पोखरेलले जाजरकोट– दुनै सडक निर्माणले सुनको शिरानी हालेर नूनको खोजीमा हिँड्ने कर्णालीवासी अब विकटका बासिन्दा हुन नसक्ने बताउनुभयो । उहाँले भन्नुभयो, “डोल्पावासी अब विपन्न अवस्थामा रहने छैनन्, यो विकट ठाउँ सुगम बन्नेछ, यहाँका जनतालाई सम्पन्न गराउने ढङ्गबाट सरकारले काम गर्नेछ, असुरक्षित बस्तीलाई व्यवस्थित र सुरक्षित तुल्याउनेछ ।

प्रदेश सरकारसँगको सहकार्यमा जाजरकोट– दुनै सडकको स्तर उन्नति, बेलिब्रिजको जडान र कालोपत्रे गर्न कार्य सङ्घीय सरकारले पूरा गर्ने डोल्पावासीलाई विश्वास दिलाउँदै उपप्रधानमन्त्री पोखरेलले विकास र समृद्धिका लागि पहिलो शर्त सडक यातायात हो भन्ने पक्षलाई सरकारले प्राथमिकतामा राखेको छ भन्नुभयो । सो अवसरमा प्रदेश नं ६ का मुख्यमन्त्री महेन्द्रबहादुर शाहीले प्राकृतिक स्रोतसाधनको हिसाबले डोल्पा अथाह सम्भावना बोकेको स्वर्ग भएको हुँदा सो सडक निर्माणपछि डोल्पाको विकट र गरीबीको परिचय बदलिने आशा व्यक्त गर्नुभयो ।

प्रधानसेनापति पूर्णचन्द्र थापाले सरकारको निर्देशनानुरुप भरखरै मार्ग खोलिएकाले सोको स्तरोन्नति गर्न नेपाली सेना तयार रहेको बताउनुभयो । त्रिपुरासुन्दरी नगरपालिकाका प्रमुख ओमबहादुर बुढाले जाजरकोट– दुनै सडकका विभिन्न स्थानमा बेलिब्रिज जडान, सडकको स्तरवृद्धि र कालोपत्र गर्ने कार्य गर्न सङ्घीय सरकारसँग माग गर्नुभयो ।

यसअघि सोही नगरपालिका–६ चिम्लेभीरमा आयोजित कार्यक्रममा सडक निर्माण आयोजना कार्यदलका प्रमुख सेनानी पहाडीले सडक निर्माणसम्बन्धी प्रतिवेदन प्रस्तुत गर्नुभएको थियो । सोही स्थानमा उपप्रधानमन्त्री पोखरेलले भे १ च २६५५ नम्बरको जीपलाई उक्त सडकमा सञ्चालन गर्न अनुमति प्रदान गरी जाजरकोट– दुवै सडक राष्ट्रिय सडक सञ्जालमा समेटिएको घोषणा गर्नुभएको थियो । (तस्वीर र श्रव्य संलग्न छ ।
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार