२०८१, १ बैशाख शनिबार

बोक्सीको आरोपमा कुटपिट गर्ने एकै परिवारका तीन जना पक्राउ

बोक्सीको आरोपमा कुटपिट गर्ने एकै परिवारका तीन जना पक्राउ


बुटवल, २५ कात्तिक : तिलोत्तमा नगरपालिका–४ मा स्थानीय महिलालाई बोक्सीको आरोपमा कुटपिट तथा दुव्र्यवहार गर्ने एकै परिवारका तीन जनालाई प्रहरीले पक्राउ गरेको छ । पक्राउ गरेकालाई प्रहरीले जिल्ला अदालत रुपन्देहीबाट पक्राउ पुर्जीको समर्थन प्राप्त गरी आज पुनः म्याद थपका लागि जिल्ला अदालत भैरहवामा पेश गरेको छ । बोक्सीको आरोपमा तिलोत्तमा नगरपालिका–४ नयाँमिलका टीकाराम आचार्य, उहाँकी पत्नी कमला आचार्य र छोरी प्रमिला आचार्य खनाललाई पक्राउ गरिएको इलाका प्रहरी कार्यालय बुटवलका प्रहरी नायब उपरीक्षक दिलबहादुर मल्लले जानकारी दिनुभयो ।

पक्राउ परेकामध्ये टीकाराम तिलोत्तमा नगरपालिका–५ का वडा सचिव रहेको बताइएको छ । बोक्सी भन्दै कुटपिट र दुव्र्यवहार गरेको उजुरी परेपछि पक्राउ परेका तिनै जनालाई म्याद थपका लागि जिल्ला अदालत भैरहवामा पठाइएको छ । आचार्य परिवारले छिमेकी डम्मरकुमारी न्यौपाने र ललिता केसीलाइ कात्तिक २१ गते दिउँसो साढे ३ बजे घरमा बोलाई बोक्सीको आरोप लगाई कुटपिट र दुव्र्यवहार गरेको भन्दै डम्बरकुमारी न्यौपानेले इलाका प्रहरी कार्यालय बुटवलमा उजुरी दिएपछि प्रहरीले स्थानीय तीन जनालाई पक्राउ गरेको हो ।

तिलोत्तमा नगरपालिकाका प्रवक्ता सुरेन्द्र श्रीले निज टीकाराम नगरपालिकाको वडा सचिव जस्तो जिम्मेवारी सम्हालेको व्यक्तिको परिवारमा यस किसिमको कार्य हुनु गलत भएको भन्दै यस कार्यमा संलग्नलाई कानूनबमोजिम कारवाही हुने विश्वास दिलाउनुभयोे ।

प्रकाशित मिति : २०७५, २५ कार्तिक आईतबार  ८ : ५२ बजे

काभ्रेमा अज्ञात समूहले काटिदियो बुद्धचित्तको बोट, तीन करोडमा लागेको थियो ठेक्का

काभ्रे । काभ्रेको रोशी–५ नागबेलीमा रहेको ठकुरानी तामाङको घरमा रहेको

मिडिया काउन्सिल विधेयक पारित गर्ने तयारीमा सरकार

काठमाडौं । सूचना सञ्चार तथा प्रविधिमन्त्री रेखा शर्माले मिडिया काउन्सिल

को कतिबेर सुत्छन्, सबैभन्दा लामो निन्द्रा चिनियाँको !

काठमाडौं । कामको धपेडीले गर्दा राम्ररी निदाउन नपाएर लखतरान परिरहने

कर्णाली प्रदेशको मुख्यमन्त्रीमा एमाले नेता यमलाल कँडेल नियुक्त

सुर्खेत । कर्णाली प्रदेशको मुख्यमन्त्रीमा नेकपा एमाले संसदीय दलका नेता

राष्ट्रियसभा उपाध्यक्षका लागि उम्मेदवारको मनोनयन दर्ता आज

काठमाडौं । राष्ट्रिय सभाको उपाध्यक्ष पदमा आज उम्मेदवारको मनोनयन दर्ता