काभ्रेका पत्रकार पराजुलीको स्मृतिमा अक्षय कोष स्थापना
धुलिखेल/काभ्रेको मण्दनपुरदेउपरमा भएको जीप दुर्घटनामा ज्यान गुमाएका पत्रकार जीवन पराजुलीको स्मृतिमा पत्रकारिता पुरस्कार कोष स्थापना गरिएको छ ।
फोटो पत्रकार महासंघ काभ्रे शाखाले कोष स्थापना गरेको हो । एक लाखको कोषबाट आउने ब्याज रकमले हरेक वर्षको कात्तिक १० गते जिल्लाका दुई जना क्रियाशिल पत्रकारलाई पुरस्कृत गरिनेछ । महासंघको बैठक बसेर पुरस्कारका लागि अक्षय कोषको स्थापना गरिएको महासंघका अध्यक्ष केशवराज पौडेलले जानकारी दिए ।
पत्रकार पराजुली फोटो पत्रकार महासंघका जिल्ला सहसचिव, रेडियो गौरव, तपाई हाम्रो साप्तहिक लगायतका सञ्चार माध्यमा आबद्ध थिए । महासंघले पराजुलीकै स्मृतिमा बनेपाका दृष्टिविहिन नारायण सिग्देलको छोरीलाई एक वर्षभर अध्ययन गर्न आवश्यक पर्ने सम्पूर्ण सामग्री वितरण गर्ने भएको छ ।
