Logo

दशैको पूर्वसन्ध्यामा मदिरा नियन्त्रणमा जुट्यो रामेछापको खाँडादेवी गाउँपालिका



रामेछाप, २६ असोज : खाँडादेवी गाउँपालिकामा मदिरा नियन्त्रणका लागि अभियान सञ्चालन शुरु भएको छ । अवैधरूपमा घरेलु मदिरा उत्पादन तथा बिक्री वितरण बढेपछि गाउँपालिकाले अभियान सञ्चालन गरेको हो ।

अभियानअन्तर्गत प्रहरी गस्ती परिचालन, महिला समूह परिचालन, चेतनामूलक कार्यक्रम सञ्चालन, मदिरा बिक्री वितरणका लागि लिएको अनुमतिको प्रमाणपत्र अनुगमनलगायतका काम हुने खाँडादेवी गाउँपालिकाकी उपाध्यक्ष मखमली श्रेष्ठले बताउनुभयो ।
गाउँपालिकाले गाँजा नियन्त्रण अभियान पनि जारी राखेको छ । बिहीबार राकाथु क्षेत्रमा गाँजा नियन्त्रण गरिएको थियो । चाडपर्वको पूर्वसन्ध्या चलाइएको अभियानले शान्ति सुरक्षामा सहयोग पुग्ने स्थानीयबासीको बुझाई छ ।

लागूऔषध तथा मदिरा नियन्त्रण समितिको अध्यक्षसमेत रहनुभएका उपाध्यक्ष श्रेष्ठले गाउँपालिकाको बजार क्षेत्रमा मदिराजन्य पदार्थ उत्पादन तथा बिक्री वितरणले सामाजिक समस्या सिर्जना गरेपछि अभियान सञ्चालन गरिएको जानकारी दिनुभयो । अभियानअन्तर्गत गाउँपालिकाको बजार अनुगमनलगायतका काम हुने छ ।

यसैबीच, नेपाल रेडक्रस सोसाइटी, रामेछापले मन्थली नगरपालिका–१ का जोखिम वर्गमा सूचीकृत नौ जनालाई थप रु ५० हजार अनुदान रकम उपलब्ध गराएको छ । प्रमुख जिल्ला अधिकारी कृष्णप्रसाद शर्माले उक्त रकमको चेक लाभग्राहीलाई हस्तान्तरण गर्नुभयो ।

प्रमुख जिल्ला अधिकारी शर्माले पुनःनिर्माण कार्यमा वृद्धवृद्धाले गरेका प्रयासको सह्राना गर्दै यही सक्रियताले पुनःनिर्माण कार्यले गति लिएको बताउनुभयो ।

जोखिममा परेका लाभग्राही पहिचानसम्बन्धी कार्यविधि २०७४ ले ७० वर्ष माथिका वृद्धवृद्धा, ६५ वर्ष नाघेका अशक्त एकल महिला, दृष्टिबिहीन, अपाङ्गता भएका व्यक्ति तथा १६ वर्षमुनिका नाबालिगलाई जोखिम वर्ग लाभग्राहीका रूपमा परिभाषित गरेको छ । जिल्लामा पहिलो पटक उक्त रकम हस्तान्तरण गरिएको रेडक्रस सोसाइटी रामेछापका सभापति शिवकुमार कार्कीले जानकारी दिनुभयो ।
–तुल्सीदेवी श्रेष्ठ

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार