२०८१, ७ श्रावण सोमबार

क्रिकेट उपाधि देवीघाट क्लबलाई

क्रिकेट उपाधि देवीघाट क्लबलाई


नुवाकोट, १२ कात्तिक: जिल्लाव्यापी खुला क्रिकेट प्रतियोगिताको उपाधि देवीघाट क्लबले जितेको छ । नुवाकोट क्रिकेट सङ्घको आयोजनामा आज विदुर नपा–६ सिंचाइ चौरमा भएको फाइनलमा देवीघाटले नक्षत्र क्लब पीपलटारलाई २७ रनले पराजित गरी उपाधि जितेको हो । टस हारेर पहिले ब्याटिङ गरेको देवीघाटले निर्धारित २० ओभरको खेलमा ८ विकेट गुमाउँदै १३४ रन बनायो । देवीघाटका तर्फबाट विकास चित्रकारले नकआउट १८ रन, दिनेश चित्रकारले नटआउट १५ रन, राजेश रिमालले १५ रन र भेषराज रिमालले १३ रन बनाए । बलिङतर्फ नक्षत्रका प्रसिद्ध खड्का र राजन अधिकारीले २–२ विकेट र अभियान बस्नेत र सौरभ कुँवरले १–१ विकेट लिए ।

एक सय ३५ रनको विजयी लक्ष्यसहित मैदानमा उत्रिएको नक्षत्र १९ ओभरमा अलआउट हुँदै १०७ रन बनाउँदा २७ रनले पराजय भोग्न बाध्य भयो । नक्षत्रका तर्फबाट अभियान बस्नेतले ३२ रनबाहेक अन्य ब्याट्सम्यानले दोहोरो अङ्क जोड्न सकेनन् । बलिङतर्फ देवीघाटका विकास चित्रकारले ३ विकेट र विकास लामिछानेले २ विकेट लिए । प्रतियोगितामा खेलमा देवीघाटका विकास चित्रकार म्यान अफ दि म्याच घोषित भए ।

प्रतियोगिताको बेष्ट बलर युनिक ब्वाइज ढुङ्गेका जीवन सिलवाल, बेष्ट ब्याट्सम्यान नक्षत्रका सुशान्त तिमिल्सिना र म्यान अफ दि सिरिज देवीघाटका विकास चित्रकार घोषित भए । प्रतियोगिता कात्तिक १० गतेदेखि शुरु भएको थियो । प्रतियोगिताका विजयीलाई विदुर नगरपालिकाका प्रमुख सञ्जु पण्डितले नगद र ट्रफी वितरण गर्नुभयो । प्रतियोगितालाई पहिलो हुनेलाई रु. १० हजार र दोस्रो हुनेलाई रु ४ हजार पुरस्कार प्रदान गरिएको थियो ।
-रासस

प्रकाशित मिति : २०७५, १२ कार्तिक सोमबार  ८ : ४८ बजे

संसदमा प्रधानमन्त्रीको सम्बोधन : यी हुन् सरकारका पाँच प्राथमिकता

काठमाडौं । प्रधानमन्त्री केपी शर्मा ओलीले २०४६ सालपछिको पुस्ता पहिलो

विश्वेश्वरप्रसाद कोइराला दूरदृष्टिवाला नेता हुनुहुन्थ्यो : प्रधानमन्त्री ओली

काठमाडौं । प्रधानमन्त्री केपी शर्मा ओलीले नेपाली राजनीति तथा परिवर्तनको

महान्यायाधिवक्तामा रमेश बडाल नियुक्त

काठमाडौं । वरिष्ठ अधिवक्ता रमेश बडाल महान्यायाधिवक्तामा नियुक्त भएका छन्

ओली सरकारको पहिलो निर्णय : तीन सय दिनमा सुविधासम्पन्न कीर्तिपुर क्रिकेट मैदान

काठमाडौं । प्रधानमन्त्री केपी शर्मा ओली नेतृत्वको सरकारले त्रिभुवन विश्वविद्यालय

परराष्ट्रमन्त्री आरजुको पहिलो निर्णय : राष्ट्रिय दिवसमा मित्र राष्ट्रलाई सन्देश पठाउने

काठमाडौं । परराष्ट्रमन्त्री डा आरजु राणा देउवाले पदभार ग्रहण गरेकी