२०८१, २९ जेष्ठ मंगलबार

सुनसान बन्दै काभ्रेको कृषि ज्ञान केन्द्र

सुनसान बन्दै काभ्रेको कृषि ज्ञान केन्द्र


बनेपा, ६ कात्तिक: बनेपास्थित कृषि ज्ञान केन्द्र विगत दुई महिनादेखि सुनसान देखिएको छ । प्रदेश सरकार मातहतमा रहने निर्णय भएपछि कृषि विकास कार्यालयलाई कृषि ज्ञान केन्द्रको रूपमा स्थापना गरिएको हो । सोहि नाममा बोर्ड झुण्डियाएको दुई महिना भएपनि कार्यालय भने सुनसान देखिएको हो । कृषि विकास कार्यालयको नाम नै परिवर्तन भएपछि भएको कर्मचारीसमेत स्थानीय तह (नगर÷गाउँपालिका)मा गएर काम गरिरहेका छन् ।

कार्यालय प्रमुख सहित १७ जनाको दरबन्दी रहेको सो कार्यालयमा अहिले एक जना लेखापालले मात्रै कार्यालय खोल्ने गरेका छन् । “बोर्ड राखिएको छ, कार्यालय प्रमुख हुनुहुन्न, अरु कर्मचारी पनि कोही छैनन्”, लेखापाल अखिल खड्काले भन्नुभयो, “जिम्मेवारीको टुंगो नै नलागेकाकारण हामीले पारिश्रमिकसमेत पाएका छैनौँ ।” उहाँले भन्नुभयो “न काम छ, न त पारिश्रमिक नै ।” कृषि ज्ञान केन्द्रमा प्रमुख एक, अधिकृत सात, लेखापाल एक, प्रशासन खरिदार एक, प्राविधिक सहायक तीन, कार्यालय सहायक तीन र चालक एक गरी १७ जनाको दरबन्दी भए पनि हालसम्म कर्मचारीको व्यवस्थापन हुन सकेको छैन् ।

कार्यालय नै सुनसान भएपछि अहिले कृषि ज्ञान केन्द्रको कार्यालयमा धुलिखेल नगरपालिकाको कृषि शाखा कार्यालय राखिएको छ । नगर कृषि शाखाका प्राविधिक सहायक केशवप्रसाद कोइरालाले भन्नुभयो, “दुई कोठामा कृषि शाखाको कार्यालय सञ्चालन भइरहेको छ ।” प्रमुख जिल्ला अधिकारी कृष्णबहादुर राउतले प्रदेश सरकार र केन्द्र सरकारको अधिकार क्षेत्र र जिम्मेवारीको बारेमा टुङ्गो नलाग्दा कार्यालय विधिवत सञ्चालनमा नआएको बताउनुभयो ।
-रासस

प्रकाशित मिति : २०७५, ६ कार्तिक मंगलबार  ६ : २० बजे

कोशी प्रदेशमा मुख्यमन्त्री कार्कीले पाए विश्वासको मत

काठमाडौं । कोशी प्रदेशका मुख्यमन्त्री हिक्मतकुमार कार्कीले प्रदेशसभाबाट सोमबार विश्वासको

आफ्ना छोराछोरीलाई सामुदायिक विद्यालयमा नपढाउने शिक्षकलाई कारबाही हुन्छ: नगरप्रमुख पोखरेल

सिन्धुली: कमलामाई नगरपालिकाका नगरप्रमुख उपेन्द्रकुमार पोखरेलले सरकारी तलवभत्ता खाएर आफ्ना

जंगलको डढेलो गाउँमा, ७० भन्दा धेरै घरगोठ जले

रुपन्देही: लुम्बिनी प्रदेशका पहाडी जिल्ला अर्घाखाँची, गुल्मी, पाल्पा, प्यूठानका वन

विराटनगरको रानीमा झडप: डिएसपीसहित ७ प्रहरी घाइते

विराटनगर: मोरङ प्रशासनले अर्को सूचना जारी नहुञ्जेल भेला, र्‍याली, सभा

काभ्रेमा अज्ञात समूहले काटिदियो बुद्धचित्तको बोट, तीन करोडमा लागेको थियो ठेक्का

काभ्रे । काभ्रेको रोशी–५ नागबेलीमा रहेको ठकुरानी तामाङको घरमा रहेको