JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.
Logo

काभ्रेका ट्रक–ट्रिफरहरु दिउसै चल्न दिनुपर्छ, होइन भने किन रुट परमिट दिएको सरकार ?



सत्यमान लामा सचिव, स्वरोजगार ट्रक ट्रिफर व्यवसायी संघ
० अहिले ट्रक–ट्रिफर व्यवसायीहरु आन्दोलनमा उत्रिएका छन् किन हो ?
– राज्यले हामी व्यवसायीलाई विभेद ग¥यो । हामी सुखी नेपाली र समृद्ध नेपाल बनाउने अभियानका एक अंग नै हौ भन्ने हाम्रो दावी हो । हामीलाई निर्माण सामग्रीहरु ओसार–पसार गर्ने रुपमा मात्रै बुझ्नु भनेको सरकारको दृष्टिकोण नै गलत हो भन्ने हाम्रो बुझाई छ । राज्यले रुट परमिट दिएपछि हामीले निर्वाध रुपमा सडकमा गाडी चलाउन पाउनुपर्छ भन्ने हाम्रो माग हो ।

० यो आन्दोलन त राज्यसँग गर्नुपर्ने हो तर, लाखौं निर्माणसँगै सम्बन्धित सर्वसाधारणले पनि समस्या खोप्ने देखिन्छ नी त ?  
– हो, तपाईले राम्रो प्रश्न गर्नुभयो । सहज रुपमा सवारी सधान चल्न नदिएको कारण प्रत्यक्ष रुपमा हज्जारौं मजदुरहरुको जीविका नै अस्तव्यस्त बनेको छ । त्यसैगरी सहज रुपमा सञ्चालन हुन नसकेकाले उपभोक्ताहरुमा पनि त्यो प्रभाव देखिनु स्वभाविक हो । रातमा मात्रै ट्रक–ट्रिफर चलाउन पाएकाले आम व्यवसायीहरु जोखिममा छन् । सर्वसधारणलाई रातमा मात्रै ढुवानी गर्नुपरेकोले उनीहरुलाई निर्माण सामग्री सर्वसुलभ तरिकाले उपलब्ध गराउन हामी असमर्थ रहनु परेको छ । यसमा सर्वसाधारण उपभोक्ताहरुमा परेको समस्या र मर्काप्रति हामी दुखित छौं । यो सबैको जिम्मेवार सरकार नै हो । त्यसैले यसको जिम्मा पनि सरकारले नै लिनु पर्छ ।

० अहिले तपाईहरुको खास समस्या चाहिं के हो त ?  
– अहिले हामीलाई दुर्घटनाको कारण देखाई बेलुकी ८ बजेदखि विहान ५ बजेसम्म मात्रै ट्रक ट्रिफर चल्न दिएकाले व्यवसायीहरु निल्नु र ओकल्नुको अवस्थामा पुगेका छन् । त्यही अवस्था रहीरहने हो भने व्यवसायीहरु विस्थापित हुने निश्चित छ ।

० आखिर यो अवस्था त ट्रक–ट्रिफर व्यवसायीहरुले नै निम्त्याएका हैनन् र ?
–यो कुरा विल्कुल होइन । दुर्घटनाको कारण र समाधान नखोजेर सवारी सधानलाई नै बन्द गर्न खोज्नु हामीलाई राज्यको कमजोरी हो भन्ने लाग्छ । किनकि सम्पूर्ण दुर्घटनाको कारण ट्रक ट्रिफर हुनै सक्दैन । किनकि ट्रक ट्रिफर आफैंमा फलामै फलाम भएको हुनाले आफूले छुँदा पनि अरुको क्षति हुने र अरुले आफूलाई छुँदा पनि अरु नै क्षति भएकाले ट्रक ट्रिफरले क्षति गराएको जस्तो देखिएको मात्रै हो । वास्तवमा कसले गल्ती ग¥यो र के गल्तीबाट दुर्घटना हुन गयो भन्ने कुरा छानवीन नहुनु दुर्भाग्यको कुरा हो । दुर्घटनामा ट्रक–ट्रिफरलाई मात्रै प्रशासनले अन्धो भएर गल्ती औंल्याउने गरेको हाम्रो अनुभव छ । दुर्घटना हुनुको कारण ट्रक–ट्रिफरभन्दा पनि अन्य निजी सवारीसाधनहरुको कारणले बढी भएको देखिन्छ । किनकि ट्रक–ट्रिफर चलाउने चालकहरु कि त सहचालक भएर सिकेर आएको हुन्छ कि राम्रैसँग गाडि सिकेर सवारीधनीलाई विश्वास दिलाएर मात्रै चालक पेशामा आएको हुन्छ । तर, निजी सवारीसाधनहरु भने आफ्नै सवारीसधान भएपछि अलिअलि मात्रै चलाउन जान्दा पनि सडकमा लिएर हिड्ने र जसले गर्दा ट्राफिक नियमको ज्ञान नहुने, सवारी चलाकको अनुभवमा कमी हुने अनेकन कारणले गर्दा दुर्घटना बढ्ने गरेको छ । उनीहरुले जथाभवी ओभरटेक गर्ने र सिग्नलको वास्ता नगर्ने, यसका साथै सडक अनुशासनका विषयमा कुनै जानकारी नै नराख्ने गर्नाले दुर्घटना हुने गरेको कुरालाई प्रशासन संयन्त्रले ख्याल नगरेकाले नै दोष जति ट्रक–ट्रिफरलाई आउने गरेको मात्रै हो । त्यसमा सडक पनि अर्को प्रमुख कारण हो दुर्घटना हुनुमा । यसरी व्यसायी नै विस्तापित हुने गरी नियम लागू गर्नभन्दा सडकलाई सुधार र स्तरोन्नती गर्ने र निर्माणमा पो जुट्दा वुद्धिमान हुन्छ होला । सवारीसधानकोको बढ्दो चाप छ । त्यसमा निजी र सार्वजनिक यात्रुवाहकहरु सबै पर्दछन् । तर सडक भने अव्यवस्थित छ । अनि दोष जति सबै हामीलाई मात्रै थोपरेर कहाँ हुन्छ त रु

० ट्रक–ट्रिफर चालकहरु अल्लारे मात्रै हुन्छन् भन्ने बुझाई छ नि त ?
– ट्रक–ट्रिफर चालहरु त्यस्तो हुन्छन् भन्ने हामीलाई लाग्दैन । तर त्यस्तो अपवादमा एकाद व्यक्तिहरु हुन पनि सक्लान । सिङ्गो व्यवसायमा नै त्यस्ता व्यक्तिहरु मात्रै हावी भएका छन् भन्ने गलत बुझाई हो । हाम्रो संस्थामा त झण्डै ९९ प्रतिशत आफ्नै लगानी र आफैं मजदुरी भएर स्वरोजगारी हुँदै काम गर्दै आएका व्यवसायी छन् । यस्ता व्यक्तिहरुलाई अल्लारे कसरी मान्ने । जसले आफ्नो व्यवसायमा लाखौं लगानी गरेको हुन्छ । कम्तीमा कमजोरी भएमा लगानी डुब्छ भन्ने चिन्ता त हुन्छ होला नी । त्यसैगरी बैदेशिक रोजगारी गरी दुई चारलाख पैसा ल्याएर भएको घरबार बैंकमा बुझाई व्यवसाय गरेका हुन्छन् । त्यो व्यवासाय विग्रेमा घरबार विहिन नै हुने अवस्था सिर्जना हुन्छ । अनि यस्ता व्यवसायीहरु अल्लारे हुन्छन् भन्ने बुझाई गलत होइन र । यदि त्यस्तो अल्लारे हुन्छन् भन्ने हो भने सरकारले त्यो कुन चाहिं हो हामीलाई माएर देखाइदिनु प¥यो । यसरी दोष देखाएर व्यवसायलाई धरासायी बनाउन मिल्छ र ?

० तर, सरकारले बेलुकी ८ बजेदेखि विहान ५ बजेसम्मको नियम लागू गरेपछि मानवीय क्षति कम भएको आंकलन गरिएको छ नी ?
– कम भएको कसरी मान्ने रु त्यसपछि पनि दुर्घटानाहरु हुँदै नभएको होइन । सातदोबाटो र भक्तपुरमा यस्तै गम्भीर दुर्घटनाहरु भएका छन् । झन रातको समयमा भएकाले कुन सवारी साधनले दुर्घटना भएको हो भन्ने सम्म थाहा पाउन नसकिएको अवस्था छ । रातमा मात्रै चलाउँदा निन्द्राका कारण ठूलो दुर्घटना हुने सम्भावना पनि त्यतिकै रहन्छ ।

० त्यसो भए राज्यले तपाइहरुजस्ता व्यवसायीहरुलाई ठूलो समस्या पो पारेछ हैन ? 
– हो नी । राज्यको अव्यवहारिक नीतिले गर्दा व्यवसायी धारासायी बनेका छन् । मजदुरीहरुको रोजीरोटी नै बन्द हुने अवस्था छ । विभिन्न कालखण्डमा व्यवस्था परिवर्तनको आन्दोलनले गर्दा विकास निर्माणका कार्यहरुले अस्तव्यस्त भएर अल्मलिइ रहेको हाम्रो यथार्थ हो । यही अवस्थामा स्थायी सरकार आएपछि त्यसमा गति दिएर निर्माणमा जुट्नु पर्ने कामलाई विर्सिएर यो सरकार अझै विकासमा अलमल गर्न खोजिरहेको छ । नयाँ–नयाँ रोजगारी सिर्जना गर्नुको सट्टा भएको रोजगारीलाई समेत निमोठ्ने काम गरिरहेको छ । यसरी काहाँबाट आउँछ होला समृद्धि रु हामीलाई अचम्म लागिरहेको छ ।

० यस्ता अनेकन कारण देखाई तपाईहरुले उपभोक्ताहरुलाई चर्को मूल्य अशुल्ने गरेको आरोप छ नी त के भन्नुहुन्छ  ?
– तपाईले भने जस्तो चर्को मूल्य भन्ने कुरा बजारको हल्ला मात्रै हो । हामीलाई सरकारले हरेक निकायमा विभेद गरेको छ । साँच्चै नै राज्यको अव्यवस्थित नीतिले गर्दा भएको उद्योगहरु पनि कतिखेर बन्द हुने ठेगान नै नुहुने अवस्था छ । त्यसले गर्दा नयाँ उद्योगहरु पनि सञ्चालन गर्न कठिनाईका साथसाथै असुरक्षित महशुस उद्योगीहरुले गरिरहेका छन् । यही भएकाले पर्याप्त उद्योगहरु खुल्न सकिरहेको छैन । त्यसैले सहज रुपमा निर्माण सामग्री उत्पादन नभएको हुँदा एक ट्रिप सामग्री ल्याउनका लागि दुईदिनसम्म कुर्नुपर्ने अवस्था अहिले छ । झनै सरकारले दिउँसो चल्न नदिएपछि दिनमा दुई ट्रिपसम्म गर्ने ट्रक ट्रिफरले हप्तामा एक या दुई ट्रिप मात्रै गर्नुपर्ने भएकाले निर्माण सामग्रीमा केही महङ्गो हुनु स्वभाविक हो ।
यसैगरी राज्यले यो व्यवसायलाई प्रवद्र्धन गर्नको लागि व्यवसायी मैत्री वातावरण बनाइदिनु प¥यो । यो भयो भने यस पेशामा धेरै लगानीकर्ताहरुको आकर्षण पढ्नेछ । अनि निर्माण सामग्री पनि समयमा नै उत्पादन र त्यससँगै वितरण पनि सर्वसुलभ हुन जान्छ । राज्यले व्यवसायीमैत्री वातावरण नबनाउने र केही गरौं भन्ने लगानीकर्ताहरुले यो पेशामा हात हालेका छन् तिनीहरुलाई पनि समेट्न नसकेकाले नै महङ्गो हुन गएको हो । अनि निर्माण सामग्री महङ्गो भयो भन्ने आरोप निराधार छ । राज्य र व्यवसायीहरु र उपभोक्ता बीचमा सुमधुर सम्बन्ध रहँदैन भने वेथिती यस्तै रहन्छ भन्ने हामीलाई चिन्ता लागेको छ । त्यसैले स्वरोजगार ट्रक ट्रिफर व्यवसायीहरुले हरेक निर्माण सामग्री वितरणको मूल्यमा एकरुपता ल्याउन खोजिरहेका छौं ।

० त्यसो भए कहिलेसम्म एकरुपता हुन्छ होला त ? 
– यो भन्नेवित्तिकै हुने कुरा होइन । हामी मात्रै यो व्यवसायमा छैनौं । यसमा धेरै व्यवसायी साथीहरु हुनुहुन्छ । वहाँहरुसँग पनि हाम्रो समन्वय भइरहेको छ । तर राज्यले हामीलाई सहज वातावरण दिनुप¥यो । र उत्पादन गर्ने कम्पनीहरुले पनि सहज रुपमा विभेद नगरी निर्माण सामग्री उपलब्ध गराउनु प¥यो । उत्पादन कम्पनीहरुले पनि समन्वयकारी वातावरण बनाएपछि यो कुरा सम्भव हुनेछ ।

० भनेपछि तपाईहरुको आन्दोलनको एजेण्डा चाहिं के हो त ?
– विभिन्न चरणको आन्दोलन पश्चात हामी निर्माण व्यवसायीहरु चाहिं बल्ल यो मुलुकको विकासको चरणमा प्रवेश गरेको महशुस गरेका थियौं । तर, राज्यले निर्माणसँग जोडिएका व्यवसायीहरुलाई विभेदकारी नीति ल्याएर यो मुलुकलाई विकास हुनबाट नै रोक्ने प्रयास भएको हो जस्तो लाग्छ । जस्तो यातायात व्यवसायमा अरु यातायातमा १० प्रतिशत राजस्व वृद्धि हुँदा निर्माण सामग्री ढुवानी गर्ने ट्रक–ट्रिफरमा तेब्बर कर वृद्धि गराएको छ । यो मुलुक समृद्ध बनाउने नै हो भने भर्खरै विकासको चरणमा प्रवेश गरेको मुलुकमा निर्माण क्षेत्रमा हाम्रो भुमिका पनि उत्तिकै महत्व हुन्छ । सरकारले हेभि इक्यूमेण्टलाई कर छुट गर्न मिल्ने ट्रक–ट्रिफरलाई किन नमिल्ने ?हामी पनि यो राज्यकै नागरिक र्हौं । सडक दुर्घटनाको कारण हामी होइन सरकार हो, सरकारले सडकलाई ब्यवस्थीत बनाउनु पर्छ । हाम्रा ट्रक–ट्रिफरहरु दिउसै चल्न दिनुपर्छ । हामीलाई किन रुट परमिट दिएको सरकार ?

प्रतिक्रिया दिनुहोस्

पाँचखालका विद्यालयमा पठनपाठन सुरु

धुलिखेल ५ असोज : पाँचखाल नगरपालिका भित्र रहेका नीजि तथा सरकारी विद्यालयहरुमा पठनपाठन सुरु भएको

काभ्रे तेमालका सबै शिक्षकहरुको निःशुल्क कोरोना बिमा

धुलिखेल, १७ भदौँः काभ्रेको तेमाल गाउँपालिकाले आफ्नो पालिकाभित्र कार्यरत शिक्षकको निःशुल्क कोरोना बिमा गरिदिने भएको

बेथानचोक गाँउपालिकाले बैकल्पीक शिक्षण सिकाई बन्द गर्ने

धुलिखेल २४ साउन : काभ्रेको बेथानचोक गाँउपालिकाले बैकल्पीक शिक्षण सिकाई सहजिकरण कार्यबन्द गर्ने निर्णय गरेको

महाभारत गाउँपालिकामा शिक्षकलाई कम्प्युटर तालिम

धुलिखेल २० साउन : काभ्रेको विकट क्षेत्रमा पर्ने महाभारत गाँउपालिकामा कार्यरत शिक्षकहरुलाई कम्प्युटर तालिम दिने

नमोबुद्ध र पनैती नगरपालिकाले तत्काल विद्यालयमा पठन पाठन नगर्न आग्रह

धुलिखेल २० साउन : काभ्रेको नमोबुद्ध र पनौती नगरपालिकाले तत्काल पठन पाठन सुरु नगर्न विद्यालयहरुलाई

पूर्व मन्त्री बाँस्कोटाको पहलमा मण्डनदेउपुरका सामुदायिक विद्यालयको यसरी फेरिदैँ मुहार

धुलिखेल, ५ साउनः सरकारमा सहभागि भएको छोटो समयमै विवादपछि राजिनामा दिएका पूर्व सञ्चार तथा सूचना