२०८१, २ असार शनिबार

पाँचखालको दर पचाउनै सकस, सांसद भूर्तेल सहित ५ सय ३६ लाई बनायो आच्छुआच्छु

पाँचखालको दर पचाउनै सकस, सांसद भूर्तेल सहित ५ सय ३६ लाई बनायो आच्छुआच्छु


धुलिखेल । काभ्रेको पाँचखाल नगरपालिका १२ कासकोटे बालुवामा तीजको दर खाँदा प्रदेश सभा सांसद गोमा भूर्तेल सहित ५ सय ३६ जनाको शरिरले गत शुक्रबारदेखि व्यहोरेको भिषण सास्तीबाट विस्तारै मुक्ति पाइरहेको छ । सहयात्री भैरव सेढाईको सहकारी संस्थाले सांसद भूर्तेललाई तिजको दर खाने निम्तो दिएपछि समुदायको बीचमा दर खान उनी त्यहाँ पुगेकी थिइन् । तर, दरखाने अन्य महिला, बालबालिकाहरु जस्तै उनले पनि पाँचखालको दर पचाउन सास्ती व्यहोर्नु प¥यो । उनी मात्रै होइन उनको श्रीमान शिवप्रसाद भूर्तेल र उनकी छोरी पवित्रा भूर्तेललाई पनि सेढाईको दरले झण्डै सिध्यायो ।

तीज पर्व हिन्दु महिलाहरुको मौलिक र महत्वपूर्ण चाड हो । दौतरीहरुको आत्मीयतालाई ताजा राख्न तीजभन्दा केही अघिदेखि नै दरका कार्यक्रमहरु विभिन्न स्थानमा आयोजना हुने गरेका छन् । यो पर्व उत्ताउलो र भड्किलो बनाइदै गलेको भनेर आलोचित समेत हुने गरेको छ । यही पर्वको अवसरमा आयोजना गरिएको दर खाँदा के कारणले सहभागी सबै नै सोत्राम विरामी परे भन्ने कुरा अझै खुल्न सकेको छैन । अन्यत्र जस्तै शुक्रबार ग्रामीण स्वावलम्वन बहुउद्देश्यीय सहकारी संस्थाले तीजको अवसरमा दर खुवाउने कार्यक्रमको आयोजना गरेको थियो । उक्त दर कार्यक्रममा दर खाएपछि खानेहरु सबै बिरामी परेका थिए । विरामी मध्ये कतिपयलाई आइसियुमा समेत राख्नु परेको थियो । तरकारी बारीमा प्रयोग गर्ने इनारको पानी खाँदा त्यस्तो भएको अनुमान गरिए पनि सबैले त्यसलाई विश्वास गर्न सकेका छैनन् । पाँचखाल भेगमा अत्याधिक विषाधीको प्रयोग हुने गरेको र तरकारीमा प्रयोग गर्ने इनारको पानी झिक्ने भाँडाबाट विषाधी उक्त इनारमा पुगेको हुनसक्ने अनुमान गर्नेहरु पनि छन् । तर त्यसको पुष्टि भने अझै भएको छैन । के कारणले भएको हो भन्ने थाहा पाउनका लागि खाद्य गुणस्तर र स्वास्थ्य सेवा विभागमा परीक्षण भइरहेको र त्यसको रिपोर्ट आइनसकेको बताइएको छ ।

विरामीलाई ज्वरो आउने,बान्ता हुने,पेट दुख्ने, टाउको दुख्नेजस्ता समस्या देखिएको थियो । बिरामी भएकाहरुको विभिन्न स्वास्थ्य संस्थामा उपचार गरिएको थियो । उपचारको ब्यवस्था सरकारले गरेको थियो । उपचारपछि अधिकांश विरामीहरु घर फर्किसकेका छन् । पाँचखालको तीनघरेमा उपचारको लागि शीविर नै सञ्चालन गर्नु परेको थियो ।

घटना भएपछि प्रशासनले प्रहरीको टोली खटाएको थियो भने राजनीतिक दलका नेता÷कार्यकर्ता, स्थानीय जनप्रतिनिधिहरु विरामीहरुको उपचार र उद्दारका लागि जुटेका थिए । बिरामी भएकाहरुमा महिला, पुरुष र बालबालिकाहरु रहेका थिए ।

प्रकाशित मिति : २०७५, २६ भाद्र मंगलबार  ९ : ०३ बजे

कोशी प्रदेशमा मुख्यमन्त्री कार्कीले पाए विश्वासको मत

काठमाडौं । कोशी प्रदेशका मुख्यमन्त्री हिक्मतकुमार कार्कीले प्रदेशसभाबाट सोमबार विश्वासको

आफ्ना छोराछोरीलाई सामुदायिक विद्यालयमा नपढाउने शिक्षकलाई कारबाही हुन्छ: नगरप्रमुख पोखरेल

सिन्धुली: कमलामाई नगरपालिकाका नगरप्रमुख उपेन्द्रकुमार पोखरेलले सरकारी तलवभत्ता खाएर आफ्ना

जंगलको डढेलो गाउँमा, ७० भन्दा धेरै घरगोठ जले

रुपन्देही: लुम्बिनी प्रदेशका पहाडी जिल्ला अर्घाखाँची, गुल्मी, पाल्पा, प्यूठानका वन

विराटनगरको रानीमा झडप: डिएसपीसहित ७ प्रहरी घाइते

विराटनगर: मोरङ प्रशासनले अर्को सूचना जारी नहुञ्जेल भेला, र्‍याली, सभा

काभ्रेमा अज्ञात समूहले काटिदियो बुद्धचित्तको बोट, तीन करोडमा लागेको थियो ठेक्का

काभ्रे । काभ्रेको रोशी–५ नागबेलीमा रहेको ठकुरानी तामाङको घरमा रहेको