२०८१, ३ श्रावण बिहीबार

डाक्टर शोभा ढुङ्गानले नारायणहिटी नारायणस्थान सार्वजनिक गरे

डाक्टर शोभा ढुङ्गानले नारायणहिटी नारायणस्थान सार्वजनिक गरे


काठमाडौँ, २ भदौ नारायणहिटी नारायणस्थानको परिचयसम्बन्धी पुस्तक, वृत्तचित्र र वेभसाइड शनिबार सार्वजनिक गरिएको छ । लेखक डा शोभा ढुङ्गानको उक्त कृतिको संस्कृति विद् प्रा डा जगमान गुरुङ र साहित्यकार श्यामदास वैष्णबले आज यहाँ आयोजित समारोहमा लोकार्पण गर्नुभयो ।

उक्त पुस्तकमा नेपालमा वैष्णब धर्मको उत्पत्ति र विकास, नारायणस्थानको ऐतिहासिक मूल्यमान्यता र महत्व, मन्दिरको कला र वास्तुकला, नित्यपूजा, पर्व र जात्रा, नारायणहिटी धाराको ऐतिहासिकता लगायतको विषयवस्तु र तस्वीर समेटिएका छन् ।

सार्वजनिक कार्यक्रममा प्रा डा गुरुङले आठौँ शताब्दीमा निर्माण गरिएको नारायणहिटीमा रहेका चार नारायण विश्वसम्पदा सूचीमा सूचीकृत अमूल्य निधि भएको बताउनुभयो । उहाँले भन्नुभयो, “नारायणहिटी क्षेत्रका महालक्ष्मी, नारायणस्थान र अजिमको ठूलो धार्मिक महत्व छ । भगवान्को भक्ति गर्ने मान्छेलाई नै शक्ति प्राप्ति हुन्छ । विश्वमै नेपाल धार्मिक पर्यटकको प्रशस्तै सम्भावना बोकेको मुलुक हो ।”

डा विणा पौडेलले ‘नारायणहिटी नारायणस्थान’ नामक पुस्तकमा समेटिएको विषयवस्तु तथ्यपरक सामग्रीमा आधारित भएकाले पुस्ताबाट यो क्षेत्रको ऐतिहासिक महत्वसम्बन्धी प्राप्त जानकारी हासिल गर्न सहज हुने धारणा व्यक्त गर्नुभयो ।

पूर्वशिक्षा सचिव शङ्करप्रसाद पाण्डेले रहनसहन, चाडपर्व, भाषा, प्रकृति, संस्कृति र साहित्य भनेको सम्पत्ति भएको हुँदा यसको माध्यमबाट मुलुकलाई समृद्धिमा लैजाने प्रशस्तै सम्भावना रहेको धारणा व्यक्त गर्नुभयो । उहाँले भन्नुभयो, “प्रकृति र संस्कृति जोगाउनुपर्छ, यी हाम्रा गौरव हुन् ।” पुस्तकका प्रकाशक प्रद्युम्न मिश्र, लेखक ढुङ्गाना र नारायण मन्दिरका पूर्वपूजारी हरिदास वैष्णबले परिचय नारायणहिटीको रहे पनि नारायण मन्दिरको दैनिक पूजाअर्चना पनि भक्तजनको सहयोग मागेर चलाउनुपर्ने अवस्था सिर्जना भएको धारणा व्यक्त गर्नुभयो ।

उक्त नारायण स्थानमा भाद्र कृष्ण नवमीमा विशेष जात्रा लाग्दै आएको छ । उक्त मन्दिरको दर्शन र पूजाअर्चना गरेमा मनोकाङ्क्षा पूरा हुने तथा छालासम्बन्धी रोग हटेर जाने जनविश्वास रहेको भक्तजन बताउँछन् ।

प्रकाशित मिति : २०७५, २ भाद्र शनिबार  ६ : १२ बजे

महान्यायाधिवक्तामा रमेश बडाल नियुक्त

काठमाडौं । वरिष्ठ अधिवक्ता रमेश बडाल महान्यायाधिवक्तामा नियुक्त भएका छन्

ओली सरकारको पहिलो निर्णय : तीन सय दिनमा सुविधासम्पन्न कीर्तिपुर क्रिकेट मैदान

काठमाडौं । प्रधानमन्त्री केपी शर्मा ओली नेतृत्वको सरकारले त्रिभुवन विश्वविद्यालय

परराष्ट्रमन्त्री आरजुको पहिलो निर्णय : राष्ट्रिय दिवसमा मित्र राष्ट्रलाई सन्देश पठाउने

काठमाडौं । परराष्ट्रमन्त्री डा आरजु राणा देउवाले पदभार ग्रहण गरेकी

१३औं पटक मन्त्री बनेका भण्डारीले श्रम, रोजगार तथा सामाजिक सुरक्षामन्त्रीको पदभार ग्रहण

काठमाडौं । नव नियुक्त श्रम, रोजगार तथा सामाजिक सुरक्षामन्त्री शरतसिंह

प्रधानमन्त्री ओलीद्वारा पदभार ग्रहण

काठमाडौं । नव नियुक्त प्रधानमन्त्री केपी शर्मा ओलीले पदभार ग्रहण