Logo

नेपाल–भारत सम्बन्ध नयाँ उचाइतिर



काठमाडौँ, ३१ साउन : परराष्ट्रमन्त्री प्रदीपकुमार ज्ञवालीले समानता, सम्मान एवं आपसीहित र विश्वासका सिद्धान्तमा आधारित नेपाल–भारत सम्बन्धलाई दुवै देश नयाँ उचाइमा पु¥याउन प्रतिबद्ध रहेका बताउनुभएको छ । भारतको ७२ औँ स्वतन्त्रता दिवसका अवसरमा नेपाल–भारत मैत्री समाजले आज राजधानीमा आयोजना गरेको शुभकामना आदानप्रदान कार्यक्रममा उहाँले आर्थिक–सामाजिकलगायत विविध क्षेत्रमा निरन्तर सहयोग जारी रहेको बताउनुभयो ।

कृषि, रेलसेवा, जलमार्गजस्ता क्षेत्रमा साझेदारी गर्दै पारस्परिक सम्बन्ध अघि बढिरहेको तथा विगतका समझादारी र सम्झौताको प्रभावकारी कार्यान्वयनलाई पनि केन्द्रमा राखेर काम भइरहेको जानकारी मन्त्री ज्ञवालीले दिनुभयो । उहाँले भन्नुभयो, “नेपाल–भारतबीच समाधान हुन बाँकी मूलभूत विषयलाई आगामी सेप्टम्बरभित्र सम्बोधन गर्न दुवै पक्षले सघन ढङ्गले आवश्यक काम गरिरहेका छन् ।” नेपाल–भारत सम्बन्धका समग्र पक्षको अध्ययन गरी प्रतिवेदन पेश गर्न गठिन प्रबुद्ध व्यक्ति समूहले चाँडै आफ्नो प्रतिवेदन बुझाउने र त्यसले २१ औँ शताब्दी सुहाउँदो द्विपक्षीय सम्बन्धलाई मार्गदर्शन गराउन सुझाव दिने विश्वास मन्त्री ज्ञवालीले व्यक्त गर्नुभयो ।

नेपालका लागि भारतका राजदूत मञ्जिभसिंह पुरीले भारतको स्वतन्त्रता सङ्ग्राममा बिपी कोइराला, कृष्णप्रसाद भट्टराई र मनमोहन अधिकारीको योगदानको स्मरण गर्दै प्रधानमन्त्री मोदीको नेपाल भ्रमण र उहाँका नेपाली समकक्षी केपी शर्मा ओलीको भारत यात्राबाट दुई देशीय सम्बन्ध अत्यन्त प्रगाढ बनेको बताउनुभयो ।

कार्यक्रममा पूर्वउपराष्ट्रपति परमानन्द झा, पूर्व प्रधानमन्त्री बाबुराम भट्टराई, पूर्वमन्त्रीद्वय पशुपति शम्शेर जवरा र रामशरण महत, काठमाडौँ महानगरपालिकाका प्रमुख विद्यासुन्दर शाक्य र प्रमुख निर्वाचन आयुक्त अयोधिप्रसाद यादवले भारत सरकार र त्यहाँका जनतामा स्वतन्त्रता दिवसको शुभकामना व्यक्त गर्नुभएको थियो ।
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार