Logo

जनकपुरधाममा झुला उत्सव शुरु



जनकपुरधाम, २९ साउन: जनकपुरधाममा झुला उत्सव आजदेखि शुरु भएको छ । सांस्कृतिक परम्पराका रूपमा जनकपुरधामलगायत प्रायः अन्य मठमन्दिरमा झुला उत्सव साउन शुक्ल तृतीयादेखि पूर्णिमासम्म मनाइन्छ । यस अवधिमा झुलाका लागि सिंहासनको निर्माण गरी सजाइएको गद्दीमा सीताराम र राधाकृष्णका मूर्ति राखी झुलाउने गरिन्छ । झुला उत्सवको पहिलो दिनलाई मणि पर्वतको झुला भनिन्छ । सो दिन जनकपुरधामका ५२ कुटीबाट डोलामा सीतारामका मूर्ति राखी रङ्गभूमिमा ल्याइएपछि जानकी मन्दिरका महन्तद्वारा शुरुआत गरिन्छ ।

जनश्रुतिअनुसार सीताको माइतीमा दाइजोका रूपमा प्राप्त मणिहरू महलमा राख्ने ठाउँ नपाई बाहिर राख्दा पहाड नै भएको थियो । त्यसैको स्मृति स्वरूप झुला उत्सवको प्रारम्भमा रङ्गभूमिमा आज पनि मणि पर्वत मनाउने परम्परा रहेको छ । मणि पर्वत झुला उत्सवका दिन जानकी मन्दिर, राम मन्दिर र लक्ष्मण मन्दिरका मूर्तिलाई एकै ठाउँमा राखी झुलाउने गरिन्छ । सो दिन श्रद्धालुहरूको सहभागिता अधिक हुने गरेका कारण रङ्गभूमिमा मेलाको रूप दृष्टिगोचर हुन्छ ।

झुला उत्सवको शुरुआत सन्त परम्पराको प्रारम्भदेखि नै भएको मानिन्छ । सन्तहरू खुला चौरमा अथवा कुनै रूखको छहारीमा बास बसे पनि आफ्नो झोलामा श्रद्धाका साथ ल्याएका शालिग्रामलाई आसनमा राखी झुलाउने गर्दथे । सम्भवतः यो परम्परा त्यसैबेलादेखि शुरुआत भएको अनुमान गरिन्छ । सन्त सम्प्रदायको गढ मानिने अयोध्या र कृष्ण सम्प्रदायको गढ मानिने वृन्दावनबाट नै झुला जनकपुरधाममा आएको बताइन्छ । यो उत्सव जनकपुरधाम एवम् यस क्षेत्रका प्रत्येक मठमन्दिरमा मनाइए पनि जानकी र राम मन्दिरमा विशेष किसिमले मनाइन्छ । जानकी मन्दिरमा विशेष प्रकारका तीन वटा सिंहासनमा सीतारामको झुलाउने गरिन्छ भने राम मन्दिरको झुला उत्सवका लागि गङ्गासागर र धनुषसागरको मध्यमा निर्माण गरिएको झुलाघरमा भुला उत्सव अवधिभरि नै विशेष किसिमले मनाइने गरिएकामा समाज विकासका नाममा यस परम्परालाई हटाउँदै राम मन्दिरमा सीमित गरिएको छ ।

जनकपुरधाममा झुला उत्सवको प्रारम्भ जानकी मन्दिरका आदि महन्त सुरकिशोर दासबाट भएको पनि कथन पाइन्छ । दासको आगमनको समय सन् १७३० मानिन्छ । जनकपुरस्थित लक्ष्मण मन्दिर, दुलहा दुलही, रत्नसागर, रसिक निवास र अग्निकुण्ड मन्दिरको झुला उत्सव पनि लोकप्रिय रहेको छ । मठमन्दिरका अतिरिक्त कतिपय श्रद्धालुले आफ्ना घरमासमेत भगवान्लाई झुलामा राखी झुलाउने गरेको पाइन्छ । यस अवसरमा विविध प्रकारका भजन, कीर्तन, गीतनाद, नाचगान आदि गरी मनोरञ्जन गरिन्छ । यसको समाप्ति साउन पूर्णिमाका दिन हुन्छ । पूर्णिमाको रातभरि झुला झुलाइन्छ तथा अन्तिम प्रहरमा डोरी काटेर यस उत्सवको विसर्जन गरिन्छ । यस दिनलाई डोरी काटब पनि भनिन्छ ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार