मण्डनदेपुर । काभ्रेको मण्डनदेउपुर नगरपालिका वडा नं १० नारिनखर्कमा वर्षाका कारण आएको पहिरोमा परि एक वालकको मृत्यु भएको छ । जिल्ला प्रहरी कार्यालय काभ्रेका अनुसार बुधबार विहान पहिरोमा परि स्थानीय हेमबहादुर तामाङको १८ महिनाका छोरा दिपक तामाङको मृत्यु भएको हो ।

घरभन्दामाथिबाट आएको पहिरोले तामाङको घर क्षति हुनुको साथै दुई वटा जस्ताको टहरा समेत बगाएको छ । पहिरोमा परि होमबहादुर तामाङ र श्रीमती सीतामाया तामाङ घाइते भएको जिल्ला प्रहरी कार्यालय काभ्रेका प्रहरी निरिक्षक रविराज थापलियाले बताए ।