२०८१, ३ श्रावण बिहीबार

अनसनरत डा. केसीका वार्ताकारसँग सरकारको सात बुँदे सहमति, अनसन तोडिँदै

अनसनरत डा. केसीका वार्ताकारसँग सरकारको सात बुँदे सहमति, अनसन तोडिँदै


१० साउन, काठमाडौं । चिकित्सा शिक्षा विधेयक संसदमा पेश भएपछि २७ दिन अघि असार १९ गते जुम्लाबाट अनसन सुरु गरेका डा गोविन्द केसीको वार्ता टोलीसँग सरकारकाले ७ बुँदे सहमति गरेको छ । यसअघिको सरकारले ल्याएको चिकित्सा शिक्षा अध्यादेशका केही बुँदा हटाएर नयाँ विधेयक संसदमा पेश गरेपछि डा. केसीले २७ दिनअघि जुम्लाबाट अनसन बस्न शुरु गरेका थिए ।

अनसनरत डा. गोविन्द केसी र सरकारबीचको वार्ता सफल भएको छ । प्रधानमन्त्री कार्यालय सिंहदबारमा बिहीबार भएको वार्तामा सात बुँदे सहमति गरेर वार्ता टुंगिएको हो । डा. केसीको वार्ता टोलीसँग भएको सहमतिपछि नेकपाका संसदीय दलका उपनेता सुवासचन्द्र नेम्वाङ प्रधानमन्त्रीको प्रतिनिधित्व गर्दै डा केसीलाई भेट्न जाँदैछन्।

प्रधानमन्त्री केपी शर्मा ओलीले डा. केसीसँग सहमतिका लागि सन्देश पठाएसँगै सिँहदरबारस्थित प्रधानमन्त्री कार्यालयमा दुई पक्षबीच वार्ता सुरु भएको थियो । प्रधानमन्त्री ओलीले नेकपा संसदीय दलका उपनेता सुवाष नेम्वाङमार्फत् सरकारी वार्ताटोलीलाई डा केसीसँग सहमतिका लागि सन्देश पठाएका थिए।

डा. केसीको वार्ता टोलीमा डा. अभिषेक सिंह, अधिवक्ता सुरेन्द्र भण्डारी, ओमप्रकाश अर्याल सहभागी थिए। डा.केसीका तर्फबाट वार्तामा सहभागी भण्डारीले सहमति भएको जनाए । उनका अनुसार केसीलाई जानकारी गराएपछि सहमतिपत्रमा हस्ताक्षर हुने र अनशन तोडिनेछ ।

प्रकाशित मिति : २०७५, १० श्रावण बिहीबार  ७ : ०३ बजे

महान्यायाधिवक्तामा रमेश बडाल नियुक्त

काठमाडौं । वरिष्ठ अधिवक्ता रमेश बडाल महान्यायाधिवक्तामा नियुक्त भएका छन्

ओली सरकारको पहिलो निर्णय : तीन सय दिनमा सुविधासम्पन्न कीर्तिपुर क्रिकेट मैदान

काठमाडौं । प्रधानमन्त्री केपी शर्मा ओली नेतृत्वको सरकारले त्रिभुवन विश्वविद्यालय

परराष्ट्रमन्त्री आरजुको पहिलो निर्णय : राष्ट्रिय दिवसमा मित्र राष्ट्रलाई सन्देश पठाउने

काठमाडौं । परराष्ट्रमन्त्री डा आरजु राणा देउवाले पदभार ग्रहण गरेकी

१३औं पटक मन्त्री बनेका भण्डारीले श्रम, रोजगार तथा सामाजिक सुरक्षामन्त्रीको पदभार ग्रहण

काठमाडौं । नव नियुक्त श्रम, रोजगार तथा सामाजिक सुरक्षामन्त्री शरतसिंह

प्रधानमन्त्री ओलीद्वारा पदभार ग्रहण

काठमाडौं । नव नियुक्त प्रधानमन्त्री केपी शर्मा ओलीले पदभार ग्रहण