२०८१, ३२ असार सोमबार

यस्तो छ, काभ्रेको डाँडापारिको अवस्था

यस्तो छ, काभ्रेको डाँडापारिको अवस्था


खानीखोला, काभ्रे । काभ्रेको विकट मानिँदै आएको डाँडापारिबासीले दैनिक जीवनमा अनेकन समस्यासँग जुझ्दै आएका छन् । दुर्गम क्षेत्रका स्थानीय तहमा सम्झौता गरिएका बैंकहरुले आफ्नो कार्यालय खोल्न नगएपछि अहिले त्यस्ता स्थानीय तहले जिल्ला सदरमुकामबाटै सेवा प्रवाह गरिरहेका छन् । काभ्रेको विकट मानिने खानीखोला र महाभारत गाउँपालिकाका स्थानीयले बैंंक नहुँदा सास्ती त व्यहोरिरहेका छन् नै जताततै ट्रयाक खोलेर स्तरोन्नती नगरिएका सडकका कारण वर्षातमा झनै सास्ती व्यहोर्ने गरेका छन् । उनीहरुका लागि यतिबेला विशेषगरी ढुंगा र गिट्टी बोक्ने ट्रिपरलाई एम्बुलेन्सको रुपमा प्रयोगमा ल्याउनु पर्ने अवस्था छ । भौगोलिक विकटताले गाउँपालिकामा एम्बुलेन्स जान–आउन निकै समय लाग्ने र कच्ची र साँघुरो सडकका कारण अन्य सवारी साधन पनि पुग्न नसक्ने भएकाले उनीहरुले ट्रिफरलाई नै भव्यतव्यमा प्रयोगमा ल्याउने गरेका हुन् ।

बिहिबार खानीखोला ६ का निलबहादुर पहरीले ट्रिफरलाई यस्तै साधनको रुपमा प्रयोग गरे । आफ्ना ५ बर्षीय छोरा सरोज पहरीले खेल्दा अचानक लडेर हात भाँच्यो । लगत्तै उनी स्वाथ्य चौकी तालढुङ्गामा पुगे पनि त्यहाँ उनको छोराको उपचार सम्भव भएन । कच्ची सडक भएकाले तुरुन्तै सवारी साधन बोलाउन सक्ने अवस्था थिएन । त्यसैले छिट्टै अस्पताल पु¥याउन नजिक भएको ट्रीफर नै उनको वैकल्पिक साधन बन्यो । त्यसैगरी सोहि दिन खानीखोला ५ का निरमायाँ तामाङ पनि अचानक बिरामी परिन् । उनी पनि नजिकको स्वास्थचौकीमा जाँच गराउन पुगिन् । उनलाई पनि यहाँ उपचार नहुने भनेपछि शहरमा पुग्नै पर्ने बाध्यता आइप¥यो । उनको मात्रै होइन आफ्नो पाठेघरको सल्यक्रिया गरेकी नियमित चेकजाँच गराउनु पर्ने डाँडागाउँकी कान्छीमायाँ तामाङलाई पनि शहर जानु पर्ने बाध्यता थियो । त्यसैले उनी पनि चेकजाँच गराउन भनेर गाउँपालिकाको केन्द्र तालढुङगा झरिन् । तर यस्ता विरामीलाई ओसार्ने सजिलो साधन काभ्रेको डाँडापारिबासीको सहज पहुँचमा बाटोको दुरावस्थाकै कारण सम्भव छैन ।

अचानक गाउँपालिकामा कच्ची रोड खन्दै गरेको डोजर बिग्रियो र त्यहि डोजरको सामान लिएर बनाउनको लागी एउटा ट्रिपर काठमाण्डौ जाने भयो । उनीहरू त्यसैमा यात्रा गर्ने निधो गरे । केही बिरामीहरू अगाडीको सिटमा त केही सामान राख्ने ठाउँमा बसे । हात भाँचिएका सरोज र उनका बुवा निलबहादुर लगायत काठमाण्डौ जाने २७ जना यात्रु ट्रिपरको सामान राख्ने ठाउँमा बसेर यात्रा गरे ।

यसैबीच अचानक ट्रिपर बीच बाटोमा ४ घण्टा फस्यो । चढेका यात्रुहरूले डोरी लगाएर ताने । बिरामी बोक्ने ट्रिपरलाई उनीहरूले छिटै शहर दौडाउन चाहन्थे । घण्टौंको प्रयासपछि शुक्रबार मात्रै उनीहरुले गन्तव्य भेट्न सके । ज्यानको बाजी राखेर चलाउने ती ट्रिपर चालकले बडो संयमताका साथ तीन बिरामी शुक्रबार काठमाण्डौको टिचिङ, बनेपाको शिरमेमोरियल पु¥याउन सकेका थिए । यसरी सामान बोक्ने ट्रिपरहरुले काभ्रेका दुर्गम गाउँपालिकाका बस्तीहरुबाट विपतमा परेका यात्रुहरूलाई ओसार्दै आएको छ । सहज यातायातको अभावमा यात्रु र अचानक विरामी हुनेहरु पनि यिनै साधनको सहारा लिने गर्दछन् ।

प्रकाशित मिति : २०७५, १२ असार मंगलबार  ८ : ४० बजे

एडिविको आर्थिक सहयोगमा निर्माणाधिन सिन्धुलीको विद्यालय भवन अलपत्र, शिक्षा मन्त्रालय बन्यो रमिते !

एशियाली विकास बैंक एडिविकोे आर्थिक सहयोगमा निर्माणाधिन सिन्धुलीको गौमती माध्यमिक

रामेछापबाट काठमाडौं आउँदै गरेको बस लिखुमा सडकबाट खस्यो

रामेछाप । रामेछापबाट काठमाडौं आउँदै गरेको बस आज बिहान रामेछापको

खनिजजन्य पदार्थ उत्खननबारे स्पष्ट कानूनी व्यवस्था गर्न निर्देशन

काठमाडौं । प्रतिनिधिसभा अन्तर्गतको उद्योग तथा वाणिज्य र श्रम तथा

जसपाबाट जनताको परिकल्पना पुरा नहुने निश्चीत देखिएपछि सो पार्टी परित्याग गरेंः आरमान खॉ

बिरगञ्जः कालिकामाई गाउपालिको जनता समाजवादी पार्टी नेपालका नेता आरमान खांले

युवा लक्षित कार्यक्रम पेश गर्न नगरउपप्रमुखसँग माग

सिन्धुली: कमलामाईका ६ वटै वडाका युवाहरुले नागरिक अंकपत्र कार्यान्वयनको क्रममा