Logo

बनेपामा दलित जनप्रतिनिधिका लागि नेतृत्व विकास र कानुनी शिक्षा कार्यशाला



बनेपा नगरपालिकाभित्र निर्वाचित दलित जनप्रतिनिधिहरुका लागि एकदिने नेतृत्व विकास र कानुनी शिक्षासम्बन्धी कार्यशाला सम्पन्न भएको छ । कार्यक्रम शुक्रबार नगरपालिकाको सभाहलमा भएको हो । कार्यक्रममा बनेपा नगरपालिकाको १४ मध्ये १३ वटा वडाका सदस्य, कार्यपालिका सदस्य र अन्य दलित अगुवाहरु सहभागि भएका थिए ।

कार्यक्रममा नगरपालिकाका नगरप्रमूख लक्ष्मी नरसिंह बादेले विभेद रहित नगरपालिका बनाउन आफु अडिक रहेको बताए । ‘म प्रहरी सेवाबाट आएको मान्छे, मैले दलितले पकाएको भात खाएर सेवा पुरा गरेको हुँ, उनले भने ‘जातिय विभेद मुक्त समाज निर्माण गर्न नगरपालिकाले के गर्दा राम्रो हुन्छ सुझाव दिनोस्, म कार्यान्वयन गर्छु ।’ त्यस्तै उपप्रमूख रेखा दाहालले दलित समुदायको उत्थानका लागि नगरपालिकाले सहभागिता मूलक विकासलाई प्राथमिकतामा राखेको भन्दै सक्रिय सहभागि हुन आग्रह गरिन् ।

कार्यक्रममा दलित समुदायको बृद्धि र विकासका लागि नगरपालिकाले बजेट विनियोजन गर्न सुरु गरेको भन्दै आगामी आर्थिक वर्षका लागि गाउँ तहमा भइरहेको योजना तर्जुमा गोष्ठीमा दलित जनप्रतिनिधिको भूमिकाका बारेमा कार्यपालिका सदस्य तेज नेपालीले अनुरोध गरे । ‘तपाईहरुले आ–आफ्नो वडामा भइरहेको योजना तर्जुमा गोष्ठीमा आफ्ना समुदायका लागि हुने योजना समावेश गर्नोस्, उनले भने ‘नगरपालिकाबाट गर्नुपर्ने कामका लागि हामी कार्यपालिका सदस्य छौँ ।’ कार्यपालिकामा ३ जना दलित सदस्य रहेका छन् । नगरपालिकाले चालु आर्थिक वर्षका लागि ४ लाख रुपैयाँ दलित समुदायका लागि विनियोजन गरेको छ ।

निर्वाचित वडा सदस्यहरुलाई डाक्टर बुद्धि नेपाली, दलित आयोगका पूर्व सदस्य सचिव सिताराम घले (नेपाली), दलित अधिकार तथा विकास केन्द्र नेपालका अध्यक्ष मेगेन्द्र विश्वकर्मा लगायतले नेतृत्व विकास र कानुनी ब्यवस्थाका बारे जानकारी गराएका थिए । नेकपा काभ्रेका नेता विष्णु मिजारले स्थानीय तहलाइ राज्यले अधिकार दिएको भन्दै दलितहरुको हकहितमा स्थानीय तहले नै उचित ध्यान दिनुपर्ने बताए । कार्यशालाको आयोजना युनेस्कोको आर्थिक सहयोगमा बनेपा नगरपालिका र दलित अधिकार तथा विकास केन्द्र नेपालले संयुक्त रुपमा गरेका हुन् ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार